’اچھا جی ایسا ہے کیا؟‘ سوشل میڈیا پر نیا ٹرینڈ، ماہرہ اور ماورا بھی شامل

پاکستانی شوبز کی معروف شخصیات ماہرہ خان اور ماورا حسین بھی ان دنوں وائرل ہونے والے مشہور جملے “اچھا جی ایسا ہے کیا؟” کے ٹرینڈ کا حصہ بن گئیں۔
یہ ٹرینڈ دراصل کراچی سے تعلق رکھنے والی کانٹینٹ کری ایٹر ثمرہ شہزادی کی ایک ویڈیو کے بعد مشہور ہوا جس میں وہ منفرد انداز میں “اچھا جی ایسا ہے کیا؟، جزاک اللہ” کہتی دکھائی دیتی ہیں۔
ثمرہ شہزادی کی یہ ویڈیو سوشل میڈیا صارفین کے ساتھ ساتھ شوبز اسٹارز کو بھی بھا گئی۔
ماہرہ خان نے حال ہی میں اس انداز پر مبنی ایک ویڈیو بنا کر انسٹاگرام اسٹوری پر پوسٹ کی اور ثمرہ کو ٹیگ بھی کیا۔
اپنی ویڈیو میں ماہرہ نے مسکراتے ہوئے کہا کہ “سیم ٹو سیم ماہرہ خان، اچھا جی ایسا ہے کیا؟ جزاک اللہ”۔
دوسری جانب اداکارہ ماورا حسین نے بھی اپنے مداحوں کو شکریہ ادا کرنے کے لیے اسی ٹرینڈ کا سہارا لیا۔
انہوں نے اپنے حالیہ ڈرامے کی کامیابی پر موصول ہونے والی تعریفوں کے جواب میں “اچھا جی ایسا ہے کیا؟ جزاک اللہ” پر لبوں کی ہم آہنگی (lip sync) کرتے ہوئے ویڈیو شیئر کی۔
یہ ٹرینڈ اس وقت سوشل میڈیا پر ہر عمر کے صارفین کو اپنی جانب متوجہ کر رہا ہے اور بڑے بڑے فنکار بھی اس میں دلچسپی لے رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News