معروف ٹک ٹاکر اور پاکستان فیشن انڈسٹری کی ابھرتی ہوئی ماڈل رومیسا سعید کار حادثے میں جاں بحق ہوگئی۔

رومیسا سعید کا شمار ان ماڈلز میں ہوتا تھا جنہوں نے نہایت کم وقت فیشن اور سوشل میڈیا دونوں میدانوں خوب مقبولیت حاصل کی۔

 رومیسا سعید نہ صرف خوبصورت بلکہ دلکش شخصیت کی مالک تھی، جبکہ وہ ٹک ٹاک اور انسٹاگرام پر بھی ہزاروں مداحوں کی توجہ کا مرکز تھیں۔

یہ بھی پڑھیں: نازیبا ویڈیوز وائرل کرنا سستی شہرت کا نیا طریقہ؟ اریکا حق کا ٹک ٹاکرز پر سنگین الزام

رپورٹس کے مطابق رومیسا کی کار کو چند روز قبل فیصل آباد کے قریب ایک حادثہ پیش آیا، حادثے میں انہیں شدید چوٹیں آئیں اور انہیں فوری طور پر مقامی اسپتال منتقل کیا گیا، جہاں وہ کئی دن تک زیرِ علاج رہیں۔ تاہم 17 اکتوبر کو وہ زخموں کی تاب نہ لاتے ہوئے انتقال کر گئیں۔

شوبز اور فیشن سے وابستہ شخصیات نے ان کے انتقال پر گہرے دکھ کا اظہار کیا اور سوشل میڈیا پر انہیں خراجِ عقیدت پیش کیا۔ متعدد صارفین نے دعائیہ پیغامات شیئر کرتے ہوئے کہا کہ ’’رومیسا ایک باصلاحیت اور خوش مزاج لڑکی تھیں، ان کی کمی ہمیشہ محسوس کی جائے گی۔‘‘

رومیسا سعید کی اچانک انتقال نے ان مداحوں  کو غمزدہ کر دیا ہے،  لوگ اب بھی ان کے مسکراتے لمحوں کو یاد کر رہے ہیں۔