جوا ایپ کی پروموشن کے مقدمے میں گرفتار یوٹیوبر سعد الرحمان المعروف ڈکی بھائی کی ضمانت کی درخواست عدالت نے سماعت کے لیے مقرر کردی ہے، تاہم کیس کی سماعت پیر کے روز جسٹس شہرام سرور کریں گے۔

اس سے قبل جسٹس فاروق حیدر نے ذاتی وجوہات کی بنا پر ڈکی بھائی کا کیس سننے سے معذرت کرلی تھی، جس کے بعد معاملہ نئے بینچ کو بھجوا دیا گیا۔

درخواستِ ضمانت میں این سی سی آئی اے سمیت دیگر متعلقہ اداروں کو فریق بنایا گیا ہے۔

 ڈکی بھائی کی جانب سے مؤقف اختیار کیا گیا ہے کہ انہیں بیرونِ ملک روانگی کے دوران ایئرپورٹ سے این سی سی سی آئی اے نے گرفتار کیا، حالانکہ انہیں کبھی بھی نوٹس جاری کرکے طلب نہیں کیا گیا۔

درخواست میں مزید بتایا گیا کہ ڈکی بھائی کو جسمانی ریمانڈ پر 10 روز تک این سی سی آئی اے کی تحویل میں رکھا گیا، اس لیے انہیں ضمانت پر رہا کرنے کا حکم دیا جائے۔