بالی ووڈ فلم انڈسٹری کی مشہور و معروف اداکارہ انوشکا شرما نے اپنی پہلی فلم “رب نے بنادی جوڑی” سے متعلق اہم انکشاف کردیا ہے۔

حال ہی میں اپنے دیے گئے ایک انٹرویو میں اداکارہ انوشکا شرما کا کہنا تھا کہ آدتیہ چوپڑا نے ان سے اپنے ڈیبیو پروجیکٹ رب نے بنا دی جوڑی کو ابتدائی طور پر والدین سے بھی چھپانے کو کہا تھا۔

انہوں نے کہا کہ سب کچھ پوشیدہ تھا، کسی کو اس فلم کے بارے میں کچھ پتہ نہیں تھا اور آدتیہ نہیں چاہتے تھے کہ کسی کو پتہ چلے کہ اس فلم میں مرکزی کردار میں کون سی اداکارہ اسکرین پر نظر آنے والی ہے۔

یہ بھی پڑھیں: اداکارہ انوشکا شرما نے نئی خواہش کا اظہار کردیا

ان کا کہنا تھا کہ آدتیہ چوپڑا نے باقاعدہ مجھ سے کہا تھا کہ آپ کسی کو نہیں بتا سکتیں یہاں تک کہ آپ اپنے والدین کو بھی نہیں بتا سکتیں کہ آپ اس فلم کے مرکزی کردار کے لیے کاسٹ ہوئی ہیں۔

انوشکا شرما نے کہا کہ یہ بات سن کر مجھے بہت عجیب لگا کہ والدین کو بھی نہ بتاؤں کے فلم میں ہیروئین کا کردار مجھے ملا ہے۔

یہ بھی پڑھیں: شادی کے پانچ سال بعد ویرات کوہلی اور انوشکا شرما نے زندگی کا انتہائی اہم فیصلہ کرلیا