دودہائیوں سے دنیا بھر میں اپنے چاہنے والوں کے دلوں پر راج کرنے والے شاہ رخ خان کسی تعریف کے محتاج نہیں۔

دنیا بھر میں موجود بالی ووڈ کے بے تاج بادشاہ اور کنگ آف رومانس شاہ رخ خان کے مداح انہیں اپنے اپنے انداز میں خراج تحسین پیش کرتے رہتے ہیں۔

سوشل میڈیا پر ایک ویڈیو کافی وائرل ہو رہی ہے ، جس میں دیکھا جا سکتا ہےکہ بھارت سے تعلق رکھنے والی ایک خاتون میک اپ آرٹسٹ نے شاہ رخ خان کا پٹھان لُک کاپی کرکے اس رنگ میں اپنے آپ کو ڈھال لیا ہے۔

دہلی سے تعلق رکھنے والی با صلاحیت میک اپ آرٹسٹ دکشیتا صرف میک اپ کا باکمال طریقے سے استعمال کرتے ہوئے مختصر وقت میں ہو بہو پٹھان کا فیمیل ورژن بن گئیں۔

آرٹسٹ دکشیتا نےانسٹا گرام پر یہ ویڈیو بھی شیئر کی۔

یہ بھی پڑھیں: ‘شاہ رخ خان کی فلم ’پٹھان‘ نے بھارت میں انقلاب برپا کردیا’

سوشل میڈیا پر دکشیتا کو پٹھان کے روپ میں دیکھ صارفین ناصرف حیران رہ گئے بلکہ انہیں ان کے اس فن پر داد بھی دے رہے ہیں۔