ہالی ووڈ اسٹار ٹام کروز مشن امپاسیبل فرنچائز کی نئی فلم مشن: امپاسبل ڈیڈ ریکوننگ پارٹ ون کی ریلیز کی تیاریاں کر رہے ہیں۔

فلم 12 جولائی کو سینما گھروں میں نمائش کے لیے پیش کی جائے گی جبکہ اداکار فلم کے لئے مختلف انٹرویوز اور تشہیری کاموں میں مصروف نظر آرہے ہیں۔

ایسے ہی ایک انٹرویو میں، ہالی ووڈ اسٹار نے اپنی روانی سے بولی جانے والی ہندی سے ہندوستانی شائقین کو حیران کردیا ہے اوراس انٹرویو کا ویڈیو کلپ سوشل میڈیا پر وائرل ہوگیا ہے۔

Advertisement

Tom Cruise speaking Hindi+classic TC laugh and being totally charming as always #TomCruise #MissionImpossible pic.twitter.com/bIqbF4YVE0

— Tom Cruise News (@TCNews62) July 6, 2023

انٹرویو کے دوران، اداکار نے انٹرویو لینے والے کے ساتھ بات کرنے میں بہت اچھا وقت گزارا اور اداکار کو تھوڑا سا ہندی بولنے پر بھی مجبور کیا۔

“ویڈیو میں دیکھا جاسکتا ہے خاتون نے اداکار سے سوال کیا کہ کیا کچھ ہے جو آپ نہیں کر سکتے؟ کیا آپ مجھ سے ہندی میں بات کریں گے؟‘‘

جس کے جواب میں ٹام نے کہا، “اگر آپ چاہتی ہیں کہ میں آپ کے ساتھ ہندی میں بات کروں تو میں کروں گا۔ آئیے اسے آزماتے ہیں۔” تاہم انٹرویو لینے والی خاتون نے انہیں ‘نمستے’ کہنے کے لئے کہا۔

ویڈیو میں ٹام کروز کو بہترین تلفظ میں ’نمستے، آپ کیسے ہیں‘‘ کہتے سنا جاسکتا ہے جسے ان کے مداحوں کی جانب سے بہت زیادہ  پسند کیا جارہا ہے۔