ٹیلر سوئفٹ نے اپنے سوشل میڈیا پلیٹ فارم کے ذریعے اپنے مداحوں کو ووٹ کرنے کا اہم پیغام دیا ہے ۔

گلوکارہ نے  جمعے کی صبح سویرے ہی نیش ویل میں اپنے ووٹ کی طاقت کو استعمال کیا اور اس کی تصویر اپنے انسٹاگرام اسٹوری پر شیئر کرتے ہوئے اپنے مداحوں کو بھی ووٹ کرنے اور صحیح حقدار چننے کی ترغیب دی ہے۔

انہوں نے اپنے پیغام میں لکھا ، ‘‘”میں نے آج ووٹ دیا اور میں آپ میں سے ہر ایک کو ایسا کرنے کی تاکید کرتی ہوں”۔

گلوکارہ نے اپنی بات جاری رکھتے ہوئے کہا: “ہمارے پاس ایسے لوگوں کو منتخب کرنے کا موقع ہے جو اگلے چار سالوں کے لیے ہماری نمائندگی کریں گے۔ میں نے آج ووٹ دیا اور میں آپ میں سے ہر ایک سے درخواست کرتی ہوں کہ ایسا ہی کریں اور اپنی آواز کو سنائیں۔”

اینٹی ہیرو ہٹ میکر نے اپنے پیغام کا اختتام مداحوں کو مقامی ابتدائی ووٹنگ کے بارے میں مزید معلومات کے ساتھ ایک لنک پر کر کے کیا۔

ٹیلر سوئفٹ اس وقت سے اپنے سیاسی خیالات کے بارے میں آواز اٹھا رہی ہیں جب سے بہت پسند کیے جانے والے فنکار نے 2018 میں اپنی آبائی ریاست ٹینیسی میں سینیٹ کے ڈیموکریٹک امیدوار فل بریڈیسن کی حمایت کی۔

2019 میں، تیلر سوئفٹ نے اس خط کی ایک کاپی شیئر کی جو انہوں نے ٹینیسی کے سینیٹر لامر الیگزینڈر، ایک ریپبلکن کو لکھی تھی، جس میں انہوں سے مساوات ایکٹ کی حمایت کرنے پر زور دیا گیا، جو جنسی رجحان اور صنفی شناخت کی بنیاد پر امتیازی سلوک کو روکے گا۔ اگرچہ اس وقت ایوان سے قانون سازی پہلے ہی منظور ہو چکی تھی لیکن بہت سے ریپبلکن اس کے خلاف بولے تھے۔