ہالی ووڈ اسٹوڈیوز نے اسکرین رائٹرز کے لیے ایک نئی پیشکش کی ہے جس میں مصنوعی ذہانت کے استعمال اور ناظرین کے ڈیٹا تک رسائی جیسے مسائل پر رعایتیں شامل ہیں۔

الائنس آف موشن پکچر اینڈ ٹیلی ویژن پروڈیوسرز نے اس بات کو یقینی بنانے پر اتفاق کیا ہے کہ انسانوں کو اسکرین پلے کے مصنفین کے طور پر تسلیم کیا جائے، بجائے اس کے کہ انہیں اے آئی سے تبدیل کیا جائے۔

بلومبرگ نے کہا کہ پیشکش کے دیگر حصوں میں مصنفین کو بقایا ادائیگیوں میں 20 فیصد سے بہتر اضافہ شامل ہے جب ان کے شوز ان نیٹ ورکس پر دیکھائے جئیں گے جس کے لیے وہ بنائے گئے تھے۔

رپورٹ میں مزید کہا گیا ہے کہ نیٹ فلکس کے شریک چیف ایگزیکٹو آفیسر ٹیڈ سارینڈوس ایک مضبوط قوت کے طور پر ابھرے ہیں اور والٹ ڈزنی کے CoCEO باب ایگر، حالیہ ہفتوں میں، مصنفین کے ساتھ معاہدے تک پہنچنے کی کوشش میں ان کے ساتھ شامل ہوئے

ہڑتال کرنے والے ہالی ووڈ مصنفین کی نمائندگی کرنے والی یونین نے جمعہ کو کہا کہ اسے اسٹوڈیوز کی جانب سے جوابی تجویز موصول ہوئی ہے جس پر وہ غور کرے گی، جو کہ 100 دن سے زیادہ پرانی ہڑتال میں پیش رفت کی واضح علامت ہے۔

ہالی ووڈ کے مصنفین کی ہڑتال 2 مئی کو اس وقت شروع ہوئی جب ڈبلیو جی اے اور بڑے اسٹوڈیوز کے درمیان معاوضے، مصنفین کے کمروں میں کم سے کم عملہ اور اسٹریمنگ کے دور میں بقایا ادائیگیوں کے معاملے پر بات چیت تعطل کا شکار ہوگئی۔

الائنس آف موشن پکچر اینڈ ٹیلی ویژن پروڈیوسرز اور رائٹرز گلڈ آف امریکہ نے فوری طور پر تبصرہ کے لیے رائٹرز کی درخواست کا جواب نہیں دیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/hollywood/2023/08/762211/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/hollywood/2023/08/762211/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں