ہالی ووڈ کے معروف گلوکار جو جونس اور اداکارہ سوفی ٹرنر کی طلاق کے بعد دونوں نے اپنے بچوں کی ایک ساتھ پرورش کرنے پر رضامندی ظاہر کی ہے۔

عالمی میڈیا کی رپورٹ کے مطابق گزشتہ ماہ سوفی ٹرنر اور جو جونس نے طلاق کے لئے اپنی باہمی رضامندی کا اظہار کیا تھا جس کے بعد دونوں نے اپنا مشترکہ بیان بھی جاری کیا تھا۔

رپورٹ میں بتایا گیا تھا کہ طلاق کے بعد دونوں کے درمیان اپنے بچوں کی تحویل کے حوالے سے  کچھ مسائل تھے جس پر قانونی کارروائی جاری تھی تاہم اس معاملے پر اب قانونی طور پر اتفاق ہوگیا ہے۔

رپورٹ میں بتایا گیا ہے کہ سوفی ٹرنر اور جو جونس کی جانب سے مشترکہ طور پر ایک بیان جاری کیا گیا ہے جس میں بتایا گیا ہے کہ دونوں اپنے بچوں کی ایک ساتھ پرورش کرنے کے لئے رضامند ہیں ۔

رپورٹ کے مطابق دونوں نے اپنے مشترکہ بیان میں اپنے دونوں بچوں کی تحویل کے متعلق ہونے والے معاہدے پر روشنی ڈالی اور بتایا ہے کہ وہ اپنی دونوں بیٹیوں کی پرورش میں ایک دوسرے کے ساتھ مکمل طور پر تعاون کریں گے ۔

رپورٹ میں واضح کیا گیا ہے کہ دونوں کے درمیان ہونے والا یہ معاہدہ عارضی ہے جو کہ آئندہ چند ماہ تک لاگو رہے گا۔

ایک رپورٹ میں بتایا گیا تھا کہ سوفی ٹرنر اور جو جونس کی طلاق کے بعد اداکارہ نے اپنی بیٹیوں کی تحویل کے حوالے سے درخواست دائر کی تھی ۔

 سوفی ٹرنر گیم آف تھرونز میں اپنے کردار کے لیے بہت مشہور ہیں جبکہ جو جونس نے اپنے بھائیوں کے ساتھ پاپ بینڈ اور ڈزنی چینل کی سیریز کے ذریعے اپنا نام بنایا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/hollywood/2023/10/981483/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/hollywood/2023/10/981483/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں