پاکستان  کی مشہور جوڑیوں میں سے ایک آریز احمد اور حبا بخاری کی بھی ہے۔

اہلیہ حبا بخاری کی سالگرہ کا جشن مناتے ہوئے اداکار نے اپنے انسٹاگرام اکاؤنٹ پر ان کے ہمراہ ایک  تصویر شیئر کی جس کے کیپشن میں انہوں نے محبت بھرے پیغام میں لکھا، ’یہ بات تو سچ ہے میں اس لیے پیدا ہوا ہوں کہ تم سے پیار کر سکوں،اور تم صرف اس لئے کہ میری ہوسکو‘۔

جس کے بعد انہوں نے اداکارہ سے مخاطب ہوتے ہوئے کہا، ’ہاں حبا یہ سچ ہے!بلکل سچ ہے!‘۔

آریز احمد نے لکھا کہ میں آپ کے والدین کو جنم دینے کے لیے آپ کے دادا دادی کا شکریہ ادا کرنا چاہتا ہوں اور پھر آپ کو جنم دینے کے لیے آپ کے والدین کا۔

اداکار نے کہا کہ میرے پاس آپ کے لئے الفاظ کم ہیں اور باتیں بہت ہیں جو کہنا چاہتا ہوں۔

آخر میں آریز احمد نے بولی ووڈ کا مشہور گانا ’تم ہو تو گاتا ہے دل،تم نہیں تو گیت کہاں‘  اہلیہ کے نام کیا۔

دوسری جانب حبا بخاری کو ڈرامہ سیریل دیوانگی  سے شہرت ملی اس کے علاوہ انہوں نے تھوڑی سی وفا،بھولی بانو،سلسلے،رمز عشق،فتور،انتہاعشق اور میرے ہم نشین میں اداکاری کے جوہر دکھائے۔

عریض احمد نے مہر پوش،کہیں دیپ جلے،میرا رب وارث،محبت داغ کی صورت اور اڑان میں اپنے فن کا مظاہرہ کیا۔