پاکستان شوبز انڈسٹری کی مشہور اداکارہ  مشال خان اکثر اپنی تصاویر اور ویڈیوز کی وجہ سے سرخیوں میں رہتی ہیں۔

اداکارہ ’سنو چندا‘ سے لے کر ’پری زاد‘تک اپنے کرداروں اور تنوع سے سب کو متاثر کرتی رہی ہیں۔

اداکارہ اکثر و بیشتر اپنی معمولات زندگی کے بارے میں مداحوں کو آگاہ کرتی رہتی ہیں۔

حال ہی میں مشال خان کی ایک ویڈیو وائرل ہوئی جس میں اداکارہ کو ان کے میک اپ آرٹسٹ اسٹیل بھٹی کے ساتھ ڈانس کرتے ہوئے دیکھا جاسکتا ہے۔

ویڈیو میں دیکھا جاسکتا ہے کہ کس طرح اداکارہ اور ان کے میک اپ آرٹسٹ ایک میوزک پر رقص کر رہے ہیں۔

شیئر کی گئی ویڈیو میں دیکھا جاسکتا ہے کہ اداکارہ نے سیاہ رنگ کی شرٹ اور ٹراؤزر پہنا ہوا ہے جبکہ ان کے میک اپ آرٹسٹ نے ’نارنگی‘ رنگ کی شرٹ اور سیاہ رنگ کی پینٹ پہنی ہوئی ہے۔

ویڈیو جیسے ہی سوشل میڈیا پر وائرل ہوئی تو مداحوں کی جانب سے تنقید کا سلسلہ شروع ہو گیا۔

مشال خان نے ڈرامہ سیریل ’دولہن‘، ’سنو چندا‘، ’قصہ مہربانوں کا‘، ’پری زاد‘ اور کئی ڈراموں میں اداکاری کے جوہر دکھائے۔