صوبہ سندھ کے شہر لاڑکانہ میں ایچ آئی وی  کے مزید 4 نئے کیسز سامنے آگئے۔

تفصیلات کے مطابق  لاڑکانہ کے تحصیل اسپتال رتو ڈیرو میں اسکریننگ کے دوران ایچ آئی وی کے کیسز سامنے آئے جس کے بعد صوبے میں  متاثرہ مریضوں کی  تعداد 901 ہو گئی ہے۔

اعداد و شمار کے مطابق متاثرین میں 740 بچے اور 161 بالغان شامل ہیں، ڈھائی ماہ کے دوران 30 ہزار 939 افراد کی بلڈ اسکریننگ کی گئی۔

انچارج سندھ ایڈز کنٹرول پروگرام ڈاکٹر سکندر میمن کے مطابق بلڈ اسکریننگ کے بعد901 افراد میں ایچ آئی وی وائرس کی تصدیق ہوئی ہے۔

دوسری جانب لاڑکانہ میں بنائے گئے اینٹی ریٹرو وائرل ٹریٹمینٹ سینٹر میں 740 میں سے 350 بچوں کو ایچ آئی وی کے مرض کی ادویات دی جا رہی ہیں۔

برووقت علاج نہ ملنے سے 20سے زائدافراد ہلاک ہوچکے ہیں جبکے دیگر اب بھی ادویات کے منتطر ہیں ۔