پنجاب یونیورسٹی کے سائنسدانوں نے ایک بڑا کارنامہ سرانجام دیتے ہوئے، بھرپور کاوشوں سے مقامی سطح پر کورونا وائرس کی تشخیصی کٹ تیار کر لی گئی۔

یہ کورونا ڈائیگناسٹک کٹ پنجاب یونیورسٹی کیمب کے پروفیسر ڈاکٹر محمد ادریس کی سربراہی میں تیار کی گئی ہے، ڈاکٹر محمد ادریس کا کہنا ہے کہ ایک کٹ کی مالیت 5 ڈالر ہے۔

ڈاکٹر ادریس کا کہنا ہے کہ حکومت بنیادی اجزا دے تو ایک ہفتے میں ہزاروں کورونا ڈائیگناسٹک کٹس دے سکتےہیں۔

اس کامیابی پر وائس چانسلر جامعہ پنجاب پروفیسر نیاز احمد نے مشتبہ مریضوں کےمفت کورونا ٹیسٹ کرنے کا اعلان کرتے ہوئے کہا ہے کہ مشکل گھڑی میں چیلنج کامقابلہ کرنے میں کردار ادا کریں گے۔

واضح رہے کی ملک بھر میں کورونا وائرس کے مریضوں کی تعداد میں اضافہ ہوتا جارہا ہے، ملک بھر میں کورونا سے متاثرہ افراد کی مجموعی تعداد 150 سے تجاوز کر گئی ہے۔

ترجمان سندھ حکومت مرتضیٰ وہاب کا کہنا ہے کہ صرف سندھ میں وبا سے متاثرہ افراد کی تعداد 150 ہوگئی ہےجس میں سے 119 افراد سکھر، 26 کراچی اور ایک حیدرآباد میں موجود ہے۔