کورونا وائرس کی جو علامات اب تک سامنے آئی تھیں ان میں تیز بخار، سر درد، کھانسی، نزلہ اور سانس ٹھیک طریقے سے نہ آنا تھا لیکن اب ماہرین کی جانب سے ایک اور علامت سامنے آنے کا انکشاف کیا گیا ہے۔

غیر ملکی خبر رساں ادارے کے مطابق کینیڈا کے سائنسدانوں نے کہا ہے کہ آنکھ کی جھلی کی سوزش یا آشوب چشم سے بھی کورونا وائرس ہوسکتا ہے، کووڈ 19 کی بنیادی علامت نظام تنفس کا مسئلہ نہیں تھا بلکہ آنکھوں کی بیماری تھی۔

محققین کے مطابق کورونا وائرس کے آغاز میں تحقیقی رپورٹس میں کہا گیا تھا کہ کووڈ 19 کے 10 سے 15 فیصد کیسز میں آشوب چشم ثانوی علامت تھی۔

واضح رہے کہ کورونا وائرس نے پوری دنیا کا نظام درہم برہم کر کے رکھ دیا ہے۔

اس سے قبل امریکا کے سینٹر فار ڈیزیزر اینڈ کنٹرول نے کورونا کی علامات کے حوالے سے ایک تحقیقی مطالعہ کیا تھا اور علامات کے بغیر متاثر ہونے والے مریضوں کا ڈیٹا اکھٹا کیا۔

تحقیق کے دوران کورونا کی 6 نئی علامات سامنے آئیں جن میں سردرد، گلے میں سوزش، سردی لگنا، کپکپی ہونا، پٹھوں میں درد اور حلق کڑوا ہونا ہے۔

خیال رہے کیونکہ ماہرین کے مطابق نئی علامات 6 روز میں شدت اختیار کرلیتی ہی۔

ان علامات میں بخار، سینہ اور پیٹ گرم ہونا،  خشک کھانسی، نزلہ، سانس لینے میں دشواری یا سانس پھولنا، سینے میں مستقل درد یا دباؤ ، آنکھوں میں انفیکشن، دماغی تھکاوٹ، پیٹ میں درد، جسمانی تھکاوٹ شامل تھیں۔

واضح رہے کہ بین الاقوامی طبی ماہرین نے  بتایا تھا کہ عام طور پر کورونا وائرس کی علامات دو سے 14 دن میں ظاہر ہوتی ہیں۔