عالمی ادارہ صحت نے ماسک سے متعلق اپنی ہدایات تبدیل کرتے ہوئے کہا ہے کہ جب مقامات پر سماجی فاصلہ ممکن نہ ہو تو وہاں لوگوں کو ماسک لازمی پہننا چاہیے۔

غیر ملکی خبر رساں ادارے کے مطابق عالمی ادارہ صحت کے سربراہ ٹیڈروس ایڈہانوم نے پریس بریفنگ کرتے ہوئے کہا ہے کہ دکانوں اور پبلک ٹرانسپورٹ جیسے عوامی مقامات پر سماجی فاصلہ برقرار رکھنا ممکن نہیں ہیں تو وہاں لوگوں کو ماسک پہننے کی ضرورت ہے۔

اُن کا کہنا تھا کہ 60 برس سے زائد عمر کے بزرگ افراد اور بیمار لوگ میڈیکل ماسک ضرور پہنیں ۔

ڈبلیو ایچ او کے سربراہ کا مزید کہنا تھا کہ پولی پروپائلین اور پوی ایسٹر پروپائلین کے ماسک بنائے جائیں جبکہ کپڑے کے ماسک ایسے تیار کیئے جائیں جن کی 3 تہیں ہوں۔