پاکستان میں کورونا وائرس کے مزید 1984 افراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد 253038 تک پہنچ گئی ہے۔
تفصیلات کے مطابق ملک میں کورونا وائرس کے آج مزید 1984 افراد میں مہلک وائرس کی تشخیص ہوئی جن میں سندھ سے 1089 ، اسلام آباد میں 85 پنجاب میں 486 ، جبکہ خیبرپختونخوا میں 261 ، بلوچستان میں 7 اور آزاد کشمیر میں 56 کورونا وائرس کے کیسز کی تصدیق ہوئی ہے۔
پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 106622 ، بلوچستان میں 11192 ، خیبرپختونخوا میں 30747 ،اسلام آباد میں 14108 ، گلگت بلتستان میں 1671 ، پنجاب میں 87043 اور آزاد کشمیر میں 1655 مریض موجود ہے۔
یاد رہے اس سے قبل ترجمان محکمہ صحت سندھ کے جاری اعداد و شمار کے مطابق سندھ بھر میں 1089 افراد میں کورونا وائرس کی تصدیق ہوئی جس کے بعد سندھ بھر میں کورونا متاثرین کی تعداد 106622 ہوگئی ہے۔
دوسری جانب آزاد کشمیر میں 56 افراد میں کوروناوائرس کی تصدیق ہو ئی جس کے بعد صوبے بھر میں کوروناوائرس کے کل کیسز کی تعداد 1655 ہوگئی ہے۔