ڈریپ رجسٹریشن بورڈ کی جانب سے برطانوی ویکسین کے ہنگامی استعمال کی اجازت دیدی گئی ہے۔

اس ضمن میں ذرائع کا کہنا ہے کہ ڈریپ رجسٹریشن بورڈ نے آکسفورڈ اور آسٹرازنیکا کی مشترکہ ویکسین درآمد کرنے کی اجازت دیدی ہے جس کے بعد پاکستان میں برطانیہ کی کورونا ویکیسن استعمال کی جائے گی۔

ذرائع نے بتایا ہے کہ حکومت پاکستان نے ویکسی نیشن کی جانب پیشقدمی کرتے ہوئے پہلی کورونا ویکسین کی منظوری دے دی ہے۔

یاد رہے کہ کورونا ویکسین اے زیڈڈی 1222 آکسفورڈ اور آسٹرازنیکا نے مشترکہ طور پر تیار کی ہے، ویکیسن کی کامیابی کا تناسب 62 فیصد ہے اور اسے گھریلو ریفریجریٹر میں رکھا جاسکتا ہے۔