برطانیہ میں ایک بار پھر سر اٹھانے والے کورونا وائرس کی نئی علامات کا انکشاف کرلیا گیا ہے۔

اس ضمن میں ماہرین کا کہنا ہے کہ برطانیہ میں کورونا انفیکشن کا شکار ہونے والے افراد میں گلے میں دکھن اور بہتی ناک کی علامات سب زیادہ عام ہیں۔

برطانوی نیشنل ہیلتھ سروسز کے مطابق لوگ سمجھتے ہیں کہ انہیں موسمی بخار، نزلہ اور کھانسی ہے اور اسی غلط فہمی میں وہ پارٹیز میں جاکر دوسرے لوگوں میں کورونا وائرس کو منتقل کر دیتے ہیں۔

کورونا کی علامات اب صرف کھانسی، سونگھنے یا ذائقے کی حس ختم ہونے یا بخار تک ہی محدود نہیں رہی ہے بلکہ ناک کا بہنا، سر درد اور گلے میں دکھن بھی اب کورونا خصوصا ڈیلٹا ویرئینٹ کی نئی علامات میں شامل ہے اور لوگوں کو اس بارے میں زیادہ احتیاط کرنے کی ضرورت ہے۔