امریکہ کی جانب سے فائزر ویکسین کی مزید 70 ہزار سے زائد خوراکیں پاکستان پہنچ گئیں ہیں۔

 اس حوالے سے امریکی سفارت خانے کے حکام کی جانب سے جاری اعلامیے میں بتایا گیا ہے کہ پاکستان میں 6 فیصد آبادی کی ویکسی نیشن مکمل کرلی گئی ہے۔

امریکی سفارت خانے کے جاری بیان میں کہا گیا ہے کہ فائزر ویکسین پہنچنے سے پاکستان میں جاری ویکسی نیشن عمل میں تیزی آئے گی۔

انہوں نے بتایا ہے کہ آج فراہم شدہ فائزر ویکسین کی 3 لاکھ ستر ہزار خوراکیں موڈرنا ویکسین کی خوارکوں کے علاوہ اضافی ہیں۔

Advertisement

Six percent of Pakistanis are fully vaccinated. Today, the U.S. sent 3.7 million Pfizer vaccine doses to help increase those numbers. #USEmbassy #USPAK #USAID pic.twitter.com/4moZ5bAhrT

— U.S. Embassy Islamabad (@usembislamabad) August 26, 2021

سفارتخانے کے حکام کا کہنا ہے کہ فائزر ویکسین کی ان خوراکوں کو پاکستانی عوام میں تقسیم کیا جا رہا ہے۔

انہوں نے بتایا کہ جولائی میں امریکہ نے پاکستان کو موڈرنا ویکسین کی 5 لاکھ 50 ہزار خوراکیں فراہم کیں تھیں جس کے بعد اب تک امریکہ کی جانب سے پاکستان کو 9 لاکھ 20 ہزار خوراکیں فراہم کی جا چکی ہیں۔

انہوں نے مزید کہا کہ اس وقت ماضی سے کہیں زیادہ اس تباہ کن وباء کا خاتمہ بہت ضروری ہے اور کورونا کو شکست دینے میں امریکہ پاکستانی عوام کا قابل فخر شراکت دار ہے۔

انہون نے کہا ہے کہ مل کر ہم وبائی امراض کے خطرے کے خلاف ایک زیادہ محفوظ دنیا کی تشکیل کے ہدف کا حصول ممکن بنا سکتے ہیں۔

خیال رہے کہ امریکہ کی جانب سے پہلے بھی مختلف مواقعوں پر پاکستان کو فائزر اور موڈرنا ویکسین کی فراہمی کو یقینی بنایا گیا ہے۔

واضح رہے کہ پاکستان میں سال 2021 میں ماہ مارچ سے عوام کو مرحلہ وار کورونا سے بچاؤ ویکسین لگانے کے سلسلے کا آغاز ہوا تھا جو کہ اب تک جاری ہے۔

Vaccine Statistics:
Vaccine administered across Pakistan on 26 Aug: 1,101,973
Total vaccine administered till now: 50,985,184

— NCOC (@OfficialNcoc) August 27, 2021