کورونا کی چوتھی لہر دننیا بھر میں تیزی سے تباہی مچارہی ہے جبکہ وہ لوگ بھی اس لہر کا شکار ہوئے ہیں جہنہوں نے وقت پر کورونا ویکسینیشن کروالی تھی۔

تاہم ویکسینیشن کروانے کے باوجود بھی وباء کا شکار ہونا تشویشناک عمل ہے  لیکن ویکسینیشن کے بعد کورونا سے لڑنے میں کافی حد تک مدد ملتی ہے اور اس کے خطرنا اثرات سے بھی بچا جاسکتا ہے۔

حال ہی میں سینٹرز فار ڈیزیز کنٹرول اینڈ پریونٹیشن (سی ڈی سی) کی جانب سے اس حوالے سے ایک تحقیق کی گئی ہے جس میں بتایا گیا ہے کہ ویکسینیشن سے کورونا وباء سے لڑنے میں مدد ملتی ہے۔

تحقیق میں بتایا گیا کہ بیماری اور اسپتال میں داخلے کی شرح کے ڈیٹا سے عندیہ ملتا ہے کہ اس وقت جب کورونا کی زیادہ متعدی قسم ڈیلٹا تیزی سے پھیل رہی ہے مجاز ویکسینز سے کووڈ کا شکار ہونے سے تحفظ ملتا ہے اور بیمار ہونے پر سنگین علامات کا خطرہ بھی کم ہوتا ہے۔

تحقیق کے مطابق وائرس کے خطرے اور سنگین نتائج کو نظرانداز مت کریں، ویکسینز اس وبا سے باہر نکلنے کا بہترین ذریعہ ہیں۔

تحقیق میں دریافت کیا گیا کہ ویکسینز سے دور رہنے والے افراد کے ہسپتال میں داخلے کی شرح میں غیرمعمولی اضافہ ہوا ہے۔

تحقیق کے دوران معلوم ہوا ہے کہ ویکسین سے کووڈ کے خلاف ملنے والا تحفظ وقت کے ساتھ گھٹ جاتا ہے جبکہ ویکسین کی افادیت بیماری کی سنگین شدت، اسپتال میں داخلے اور موت سے بچانے کے لئے ٹھوس حد تک برقرار رہتی ہے ۔