صحت مند زندگی گزارنے کیلئے مناسب مقدار میں وٹامنز لینا انتہائی ضروری ہوتا ہے۔

تاہم عام زندگی میں پھل اور سبزیوں کا استعمال وٹامنز حاصل کرنے کا بہترین اور قدرتی ذریعہ ہیں۔

نظام انہضام سے لے کر دل و دماغ کی بہتر اور مؤثر کارکردگی کیلئے مختلف وٹامنز کا خوراک میں شامل ہونا نہایت اہمیت کا حامل ہوتا ہے۔

پھل اور سبزیوں میں قدرتی طور پر وہ تمام وٹامنز اور منرلز پائے جاتے ہیں جس کی ضرورت انسان کو ہمیشہ ہوتی ہے اور اس کے لئے مختلف سپلیمنٹس استعمال کی جاتی ہیں۔

لیکن اگر گوشت اور دالوں سے ساتھ آپ مناسب مقدار میں سبزیوں اور پھلوں کا استعمال کریں تو ان سپلیمنٹس کی بھی ضرورت نہیں پڑے گی۔

اس حوالے سے ماہرین صحت نے خبردار کیا ہے کہ ملٹی وٹامنز کی گولیوں اور فوڈ سپلیمنٹ کا استعمال صحت کو فائدہ پہنچانے کے بجائے مختلف امراض میں مبتلا کرسکتا ہے۔

ان میں سے چند ایک مفید بھی ہیں لیکن بیشتر کے مسلسل استعمال سے خطرناک بیماریوں کا خطرہ بھی لاحق ہوسکتا ہے۔

اس سے متعلق کی جانے والی تحقیق کے بعد ماہرین نے یہ اخذ کیا ہے کہ سبزیاں کھائیں، خوب پانی پیئیں، ورزش کریں اور بہتر ہے کہ وٹامن کی گولیوں سے پرہیز کریں۔