کسی بھی قسم کی نقل و حرکت کے لئے ریل گاڑی کے ذریعے سفر کرنے کو  ماحول دوست قرار دیا گیا ہے۔

اس حوالے سے ماحولیاتی دوست گرین پیس تنظیم نے پروازوں کو بند کر دینے کا مطالبہ کیا ہے اور کہا ہے کہ ہوائی سفر کے متبادل کے طور پر ریل گاڑی ذریعے سفر کرنے کو ماحول دوست ہے۔

گرین پیس نے اپنی ایک تحقیق کی روشنی میں کہا کہ یورپ میں مختصر فاصلے کی پروازوں کی بھرمار ہے  لیکن اگر ان پروازوں کو بند کر دیا جائے تو ماحول دوستی کے تناظر میں یہ ایک بڑا عملی قدم اور مثبت کارروائی ہو گی۔

گرین پیس نے کہا کہ کم فاصلے کی جو پروازیں بند کی جائیں، ان کی جگہ مسافروں کو ترغیب دی جائے کہ وہ ریل کے ذریعے سفر کریں جو ماحول کو کم نقصان پہنچاتا ہے۔

تنظیم کا کہنا ہے کہ یورپی ممالک کی فضا میں ہوائی جہازوں کی تعداد جتنی کم ہو گی اس براعظم کو اتنا ہی کم ماحولیاتی آلودگی کا سامنا کرنا پڑے گا۔

رپورٹ کے مطابق 250 روٹس پر کم فاصلے  کی پروازیں بند کی جا سکتی ہیں۔ جس سے سالانہ بنیادوں پر قریب ساڑھے تیئیس ملین ٹن کاربن ڈائی آکسائیڈ گیس کے اخراج کو روکنا ممکن ہو گا۔