جرمنی نے اومیکرون ویریئنٹ پھیلنے کے پیشِ نظر برطانیہ سے آنے والے مسافروں پر سفری پابندیاں سخت کر دی ہیں۔

جرمنی کے نیشنل ڈیزیز کنٹرول سینٹر نے ہفتے کےروز برطانیہ کو ’وائرس وایریئنٹ ایریاز‘ میں شامل کیا جس کا مطلب ہے برطانیہ سے جرمنی جانے والے کسی بھی شخص کو پر صورت میں 14 دن کا کوارنٹٓائن گزارنا ہوگا، چاہے اس کا کوئی بھی ویکسینیشن اسٹیٹس ہو۔

جرمنی کی جانب سے نئی پابندیوں کا اطلاق اتوار کی شب سے ہوگیا ہے۔ یہ پابندیاں اس وقت سامنے آ رہی ہیں جب برطانیہ میں اومیکرون ویریئنٹ کے کسیز کی ریکارڈ تعداد رپورٹ ہو رہی ہے۔

ہفتے کے روز برطانیہ میں کووڈ-19 کے 90 ہزار 418 کیسز ریکارڈ کیے گئے جبکہ اتوار کو 82 ہزار 886 کیسز رپورٹ ہوئے۔

برطانیہ، جرمنی کی ’وائرس ویریئنٹ ایریاز‘ کی فہرست میں شامل ہونے والا نواں ملک ہے۔ اس سے قبل اس فہرست یں جرمنی نے جنوبی افریقہ سمیت آٹھ افریقی ممالک کو شامل کیا تھا۔

روبرٹ کوچھ انسٹیٹیوٹ کی جانب سے یہ اعلان اس وقت سامنے آیا ہے جب یورپ بھر کو دیگر ممالک کی جانب سے کووڈ-19 کی چوتھی لہر کے خطرات کا سامنا ہے۔

اتوار کو جرمنی نے فرانس اور ڈینمار کو ’ہائی رِسک ایریا‘ قرار دیا۔ جس کا مطلب ہے وہ لوگ جن ویکسین شدہ نہیں ہیں یا وائرس سے صحت یاب ہوئے ہیں انہیں 10 کے لیے جرمنی میں گُھسنے کے بعد کوارنٹائن کرنا ہوگا۔

جرمنی کی جانب سے درجنوں ممالک بالخصوص اس کے وہ پڑوسی جن کی سرحدیں جرمنی سے ملتی ہیں اس کیٹیگری کا حصہ بن چکے ہیں۔