ایک نئی تحقیق کے مطابق گھر سے باہر نکلنے اور قدرت کے نظاروں سے لطف اندوز ہونے سے شہر میں رہنے والوں میں تہائی کا احساس 28 فی صد تک کم ہو جاتا ہے۔

تنہائی کو عوام کی صحت کے ایک بڑے مسئلہ کے طور پر سمجھا جاتا ہے اور تحقیق میں انکشاف کیاگیا ہےکہ تنہائی کے سبب موت کا خطرہ، فضائی آلودگی اور موٹاپے سے زیادہ ہے۔

ایک نئی تحقیق میں ماہرین نے اربن مائن ایپ کا استعمال کرتے ہوئےدنیا بھر سے شہروں میں رہنے والے افراد کا ڈیٹا اکٹھا کیا۔جو شرکاء سے تنہائی، ہجوم، قدرتی ماحول اور معاشرتی شمولیت کے متعلق سوالات پوچھتی ہے۔

محققین کو معلوم ہوا کہ لوگوں کو ہجوم میں زیادہ تنہائی کا احساس ہوتا ہے لیکن اگر وہ لوگ درختوں یا آسمان کو دیکھیں تو ان کا تہنائی کا احساس 28 فی صد تک کم ہو جاتا ہے۔

کنگز کالج لندن کی جانب سے کی جانے والی اس تحقیق کےمحققین کا کہنا تھا کہ شہروں میں قدرتی جگہیں انسان میں اس جگہ سے انسیت کا احساس پیدا کرتے ہوئے، تنہائی کے احساسات کو کم کر دیتی ہیں۔

یہ ایک ایپ کے ریئل ٹائم ڈیٹا کو استعمال کرتے ہوئے تنہائی پر کی جانے والی پہلی تحقیق ہے۔

جب لوگ اپنی برادری میں خود کو شامل سمجھتے ہیں تو ان کے تنہائی کے احساسات 21 فی صد تک کم ہو جاتے ہیں اور اگر وہ اس وقت کسی قدرتی جگہ ہوتے تو یہ ہندسہ 18 فی صد مزید بڑھ جاتا۔

تحقیق کی مصنف پروفیسر اینڈرے میکلی کا کہنا تھا کہ قدرتی فیچرز اور معاشرتی سطح پر شمولیت جیسے پہلو ایسے ہو سکتے ہیں جو تنہائی کو کم کر سکیں۔

محققین نے لکھا کہ لوگ پورا دن اپنے اطراف ماحول کے حساب سے مختلف سطحوں کی تنہائی سے گزرتے ہیں۔

اس تحقیق میں 756 رضا کاروں نے حصہ لیا جنہوں نے اپنی ذہنی صحت کے اور فلاح کے متعلق اپریل 2018 سے مارچ 2020 کے درمیان 16 ہزار سے زائد سوالنامے پُر کیے۔