جرمنی میں آئندہ ماہ آنے والی بلندی سے قبل کیسز میں مسلسل اضافہ متوقع ہے۔

جرمنی کے وزیر صحت نے توقع ظاہر کیا ہے کہ آئندہ ماہ موجودہ لہر کے زور پکڑنے سے قبل ہفتوں میں کورونا وائرس کے کیسز کی تعداد میں مسلسل اضافہ ہوگا۔

کارل لوٹرباخ نے جرمنی کے پبلک براڈکاسٹر کو بتایا کہ یہ لہر اپنے عروج پر اندازاً فروری کے وسط میں پہنچے گی۔

لوٹرباخ نے خبردار کیا کہ اگرچہ فی الحال اسپتالوں میں داخلوں کی شرح کم ہے لیکن آئندہ آنے والے ہفتوں مین کلینکس کو شدید دباؤ کا سامنا ہو سکتا ہے۔

انہوں نے واضح کیا کہ جرمنی میں 50 سال سے زائد عمر کے غیر ویکسین شدہ افراد یورپ بھر کی نسبت سب سے زیادہ ہیں۔

جرمنی کی بیمارے سے تحفظ فراہم کرنے والی ایجنسی نے گزشتہ 24 گھنٹوں میں 1 لاکھ 33 ہزار 536 نئے کووڈ-19 کیسز اور 234 اموات کی تصدیق کی ہے۔

ابتدائی کے مطالعوں کے مطابق اومیکرون ویرئینٹ اس سے پہلے آنے والے ویریئنٹ ڈیلٹا سے کم شدید بیماری کا سبب بنتا ہے۔

لیکن اومیکرون کے پھیلنے کی رفتار کورونا وائرس کے دیگر ویریئنٹس کی نسبت بہت زیادہ ہے اور اپنی تیز رفتاری کے سبب اس نے دنیا کے کئی ممالک کو اپنی لپیٹ میں لے لیا ہے۔

اومیکرون کے لیے وہ لوگ بھی آسان ہدف ہیں جو ویکسین شدہ ہیں یا وہ پہلے کورونا وائرس میں مبتلا ہو چکے ہیں۔