برطانوی حکومت کے مشیروں نے نرسنگ ہوم میں رہنے والوں اور 80 سال سے اوپر کے لوگوں کو کووڈ ویکسین کی چوتھی ڈوز لگانے کے خلاف تجویز دے دی۔

ڈیٹا کے مطابق تیسرا شاٹ لگانے کے بعد اسپتال میں داخلے کے خلاف بچاؤ دیکھا گیا تھا۔

برطانیہ کی ہیلتھ سیکیورٹی ایجنسی کے مطابق 65 سال سے اوپر کے لوگوں میں اسپتال میں داخلے سےبچاؤ کی شرح تیسرے ڈوز کے تین ماہ بعد بھی 90 فی صد ہے۔

نتیجتاً ویکسینیشن اور امیونائزیشن پر مشترکہ کمیٹی نے جمعے کے روز حکومت کو تجویز دی کہ چوتھی ڈوز لگانے کی کوئی ضرورت نہیں ہے۔

اس کے بجائے حکومت کو جتنا ہو سکے لوگوں کو چوتھی ڈوز لگانے پر توجہ کرنی چاہیئے تاکہ تیزی سے پھیلنے والے اومیکرون سے بچا جاسکے۔

کمیٹی کے چیئر پروفیسر وئیشین لِم کا کہنا تھاکہ موجودہ ڈیٹا بتاتا ہے کہ بُوسٹر ڈوز شدید بیماریوں کے خلاف اعلیٰ تحفظ دیے ہوئے ہے، حتیٰ کے کمزور بزرگ لوگوں کو بھی۔

انہوں نے مزید کہا کہ اس وجہ سے کمیٹی اس نتیجے پر پہنچی ہے کہ دوسرے بُوسٹر ڈوز کو متعارف کرانے کی کوئی ضرورت نہیں ہے، اگرچہ اس پر نظر ثانی جاری رہے گی۔

واضح رہے برطانیہ میں کووڈ سے اسپتال میں داخل ہونے والوں کی تعداد جمعرات کو 18454 تک پہنچ گئی، جو دو ہفتے قبل کے اعداد سے دُگنے سے زیادہ ہیں۔