ایک نئی تحقیق میں بتایا گیا ہے کہ لوگ کورونا وائرس میں مبتلا ہونے سے زیادہ پیسے کے متعلق فکرمند ہیں۔

یونیورسٹی کالج لندن کے محققین کے مطابق 10 میں سے تقریباً چار لوگ (38 فی صد) اپنی آمدنیوں کے متعلق فکرمند تھے۔ جنوری میں یہ شرح 32 فی صد تھی اور عالمی وباء کے آغاز کے بعد سے یہ بلند ترین سطح ہے۔

تحقیق میں معلوم ہوا کہ کووڈ سے متاثر ہونے کی فکر کرنے والوں کی شرح، جو جنوری میں 40 فی صد تھی، کم ہوکر 33 فی صد ہوگئی۔

محققین کا کہنا تھا کہ یہ تبدیلی لوگوں کی پیٹ پالنے کی فکر کو منعکس کرتی ہے۔ جبکہ برطانیہ میں قانونی پابندیوں کے اٹھائے جانے سے سے معلوم ہوتا ہے کہ لوگ کورونا وائرس کو کیسے دیکھتے ہیں۔

تحقیق کے نتائج 21 سے 27 مارچ کے درمیان پورے برطانیہ سے 28 ہزار 495 لوگوں کے سروے پر مبنی ہیں۔

تحقیق میں یہ بھی معلوم ہوا کہ گزشتہ برس اکتوبر کی نسبت اس مارچ میں لوگوں آمدنی کے حوالے سے کم لوگ تحفظ محسوس کرتے تھے۔

2021 کے موسمِ گرما کے بعد سے مہینہ در مہینہ خوشی اور زندگی سے اطمینان میں بھی کمی آئی ہے۔

چھ ماہ پہلے 54 فی صد لوگوں کو یہ محسوس ہوتا تھا کہ ان کی ذہنی صحٹ ان کے قابو میں ہے جو اب کم ہو کر 49 فی صف ہوئی ہے۔