ایک نئی تحقیق میں معلوم ہوا ہے کہ سیگریٹ نوشی کرنے افراد جو دل کے مرض میں مبتلا ہوں وہ تمباکو نوشی کو ترک کر کے پانچ صحت مندانہ سال حاصل کر سکتے ہیں۔

تحقیق میں معلوم ہوا کہ تمباکو نوشی کرنے والے افراد تمباکو نوشی ترک کر کے وہی فائدہ حاصل کرسکتے ہیں جو متعدد ادویاء کے استعمال سے ہوسکتا ہے۔

کانگرین آف دی یورپین سوسائیٹی آف کارڈیولوجی میں پیش کیے گئے نتائج میں ان لوگوں کے متعلق بتایا گیا جن کی عمریں 45 سال یا اس سے زیادہ تھیں اور وہ دل کے دورے یا بائی پاس سرجری کے بعد چھ ماہ سے زائد عرصے تک سگریٹ نوشی کر رہے تھے۔

تحقیق میں ان مریضوں کو بھی دیکھا گیا جنہوں نے صحت کے ان وقوعات کے بعد تمباکو نوشی کو ترک کردیا تھا۔

تحقیق میں محققین کو معلوم ہوا کہ تمباکو نوشی ترک کرنے کے فائدے، ادویات سے کیے جانے والے تینوں علاجوں کے برابر تھے۔

تمباکو نوشی کو ترک کرنے کے نتیجے میں صحت کو لاحق وقوعات کے بغیر 4.81 سال کا اضافہ ہوا جبکہ تین ادویات کے استعمال سے زندگی میں 4.83 سالوں کا اضافہ ہوا۔