صحت ہی زندگی ہے اور اسے برقرار رکھنے کے لیے غذا کا متوازن ہونا نہایت ضروری ہے، اکثر یہ بات کہی جاتی ہے کہ دودھ سے نکالی جانے والی بالائی اورمکھن صحت کے لیے مفئد نہیں ہے کیونکہ یہ جسم میں چکنائی کی صورت میں جمع ہوکر امراض قلب سمیت کئی بیماریوں کا سبب بنتے ہیں۔

تاہم موجودہ زمانے میں اب بات صرف دودھ سے حاصل کئے جانے والے مکھن پر ہی موقوف نہیں ہے بلکہ گریاں بھی اس ضمن میں اہم کردار ادا کر رہی ہے، اب مارکیٹ میں بادام، اخروٹ، کاجواور مونگ پھلی کا مکھن عام دستاب ہے جوکہ نہایت صحت بخش ہے۔

یہاں پر مونگ پھلی کے مکھن کا ذکر کیا جارہا ہے مونگ پھلی کا مکھن ایک ورسٹائل اسپریڈ ہے جو آپ کو صحت مند رکھنے کے لیے حیرت انگیزافادیت رکھتا ہے۔ اس میں موجود صحت مند چکنائیاں اور پروٹین کی کثیرمقدار ذیابیطس، وزن میں کمی اور یہاں تک کہ الزائمر کے مرض سے بچانے میں بھی مدد فراہم کرتی ہے۔

اگرچہ مونگ پھلی کے ساتھ کچھ احتیاط ضروری ہے اس کی وجہ ہے کہ دنیا کی ایک فیصد آبادی مونگ پھلی سے بہت زیادہ الرجک ہے تاہم ان کے علاوہ تمام افراد اس مکھن کے استعمال سے صحت کے کئی طرح کے فوائد حاصل کر سکتے ہیں۔

فوری توانائی کا حصول

مونگ پھلی کے مکھن میں پروٹین اور صحت بخش چکنائی کی کثیر مقادر موجود ہوتی ہے ساتھ ہی اس میں بہت زیادہ کیلوریز ہوتی ہیں۔ یہ صبح کے ناشتے کے لیے ایک بہترین غذا ہے جو آپ کودن بھر کے کام اوردیگر جسمانی سرگرمیوں کے لیے کافی توانائی فراہم کرتی ہیں۔

کینسر سے بچاؤ

مونگ پھلی کے مکھن میں ایک اہم جز فائٹوسٹیرول پایا جاتا ہے جو مختلف سرطان جیسے پروسٹیٹ، بڑی آنت اور چھاتی کے سرطان سے لڑنے کی صلاحیت رکھتا ہے۔ مونگ پھلی یا اس  کے مکھن کا استعمال خواتین میں بڑی آنت کے کینسر کے خطرے کو کم کر سکتا ہے۔

وزن کم کرنے میں مدد کرتا ہے

مونگ پھلی کے مکھن میں سوڈیم اور چربی کی مقدار کے باوجود یہ مکھن صحت بخش ہےکیونکہ اس میں  فائبر اور پروٹین کی وافر مقدار پائی جاتی ہے جس کے استعمال سے پیٹ بھرے رہنے کا احساس رہتا ہے اس طرح آپ بے وقت کی بھوک سے بچے رہتے ہیں جو وزن برھنے کا ایک اہم سبب ہے۔

پتھری کی روک تھام

حالیہ تحقیق کے نتیجے میں یہ بات سامنے آئی ہے کہ ایسے افراد جو ہفتے میں گری دار میوے پانچ یا اس سے زیادہ بار استعمال کرتے ہیں ان میں پتھری بننے یا ہونے کا خطرہ 25-30 فیصد کم ہوجاتا ہے بہ نسبت  ان لوگوں کے جو شاذ و نادر ہی  گری دار میوے غذا میں شامل رکھتے ہیں۔

اگرچہ مونگ پھلی کو تکنیکی طور پر پھلی کے طور پر درجہ بندی کیا جاتا ہے، لیکن ان تجربات کے لیے انہیں گری دار میوہ ہی سمجھا جاتا تھا، اس لیے، مونگ پھلی دراصل دنیا میں سب سے زیادہ کھائی جانے والی ‘نٹ’ یا گری ہے۔

بہتر یادداشت 

ایک تحقیق سے پتا چلا ہے کہ جو لوگ کھانے سے سب سے زیادہ نیاسین حاصل کرتے ہیں ان میں الزائمر کی بیماری کا امکان 70 فیصد کم ہوتا ہے۔ مونگ پھلی ان غذاؤں میں سے ایک ہے جس میں نیاسین کی سب سے زیادہ مقدارموجود ہوتی ہے۔

ٹائپ 2 ذیابیطس سے بچاؤ 

جرنل آف دی امریکن میڈیکل ایسوسی ایشن میں شائع ہونے والی ایک تحقیق کے مطابق مونگ پھلی کا استعمال ذیابیطس کے خطرے کو کم کر سکتا ہے۔

اس کے علاوہ، مونگ پھلی کے مکھن میں غیر سیر شدہ چکنائی ہوتی ہے جو انسولین کی حساسیت کو بہتر بنانے کے لیے مفید تصور کی جاتی ہے۔ تحقیق سے یہ بات بھی سامنے آئی ہے کہ مونگ پھلی کے مکھن کا زیادہ استعمال  ٹائپ 2 ذیابیطس ہونے کے خطرے کو کم کرسکتا ہے۔

اچھی چربی سے بھرپور

مونگ پھلی کا مکھن دل کے لیے صحت مند مونو سیچوریٹڈ چکنائی سے بھرپور ہوتا ہے۔ ایک مطالعہ سے پتہ چلتا ہے کہ انسولین کے خلاف مزاحمت کرنے والے افراد جنہوں نے مونو سیچوریٹڈ غذا کا استعمال زیادہ کیا ان کے پیٹ کی چربی کم تھی، بہ نسبت ان لوگوں جو زیادہ سیر شدہ چکنائی یا کاربوہائیڈریٹ لیتے تھے۔