کہا جاتا ہے کہ ہر موسم کا پھل اور سبزی ضرور کھائیں کیونکہ وہ اسی ماحول کو ہمارے لیے موافق بناتے ہیں۔ یہ اس لیے بھی ضروری ہے کہ یہ پھل اور سبزیاں اسی موسم کے اثرات کی شدت اور ان میں ہونی والے موسمی امراض سے بچاؤمیں معاون ثابت ہوتی ہیں۔ ایسا ہی ایک انتہائی رسیلا اور مزیدار پھل نارنگی ہے جو کہ وٹامن سی بھر پورموسم سرما کا پھل ہے یہی وجہ ہے اس پھل کا انتظار سب ہی کو رہتا چاہے یہ اپنے صحت بخش اجزاء کے بدولت آپ کی مجموعی صحت کو بہتر بنانے میں اہم کردار ادا کرتا ہے۔

آپ کے پسندیدہ پھل کے خوشذائقہ رس کا زبردست فوائد کا مختصر احوال یہ ہے۔

دورانِ خون بڑھائے

بالخصوص ایسے بزرگ جو ہاتھ پیر سن ہونے کی شکایت کرتے ہیں اگر دن میں ایک مرتبہ ایک گلاس اورنج جوس پئیں تو اس سے خون کی باریک رگیں کھلنے لگتی ہیں اور خون کا بہاؤ بہت  بہتر ہونے لگتا ہے۔ اس ضمن میں ہزاروں افراد پر ایک سروے کیا گیا تو اس کے حیرت انگیز نتائج برآمد ہوئے۔ اب جان لیجے کہ دورانِ خون بڑھنے سے خود سردی کی شدت کم محسوس ہونے لگتی ہے۔

بلڈ پریشر میں کمی

بلڈ پریشر میں اضافے میں مبتلا ہزاروں افراد پر تحقیق سے ثابت ہوا ہے کہ اورنج جوس میں موجود اینٹی آکسیڈنٹس اور پولی فینولز کیمیکل بلڈ پریشر کی جادوئی دوا ثابت ہوسکتے ہیں۔ بس شرط یہ ہے کہ کم ازکم چھ ہفتے ایک گلاس روزانہ تواتر سے نارنجی یا کینو کا رس استعمال کیا جائے۔

بہتر مدافعتی نظام

نارنگیاں وٹامن س سی بھر پور ہوتی جو قوت مدافعت میں اضافے میں اہم کردار ادا کرتی ہیں اس طرح یہ  نزلہ زکام سے بچنے اور جسم میں والے انفیکشن سے تحافظ فراہم کرتی ہیں۔

ذیابیطس میں بہترین مشروب

شوگر کے مریض یا اس کے کنارے موجود افراد اپنے معالج کے مشورے سے اورنج جوس پی سکتے ہیں۔ تقریباً تمام طبی لٹریچر میں نارنجی کے رس کو ذٰیابیطس کا بہترین علاج قرار دیا گیا ہے۔ اس میں موجود فولیٹ، پوٹاشیئم، وٹامن سی اور دیگر اجزا جسم میں گلوکوز کو ایک خاص سطح تک رکھتے ہیں۔

اندرونی جلن سے بچائے

نارنجی کے رس کے فوائد لاتعداد ہیں اور ایک بہترین حل یہ ہے کہ جوڑوں کے درد میں مبتلا افراد اس کی مدد سے اندرونی سوزش دور کرسکتے ہیں۔ نارنجی میں موجود قدرتی مرکبات بہت ہی مفید ہیں اور اندرونی جسمانی سوزش یا انفلیمیشن کو ختم کرتے ہیں۔

روشن دمکتا چہرہ

اپنی گوناگوں خواص کی بنا پر سردیوں میں مرجھائے چہرے کو رونق دینے میں بھی نارنجی اپنی مثال آپ ہے۔ اس کا رس چہرے سے جھائیاں دور کرتا ہے اور باقاعدہ پینے سے چہرہ شاداب اور تروتازہ دکھائی دیتا ہے۔ یہی وجہ ہے بیوٹیشن نارنجی کے رس کو دلکش چہرے کا ٹانک کہتے ہیں۔