آج ہم آپکو انگور کھانے سے جسم کو ہونے والے 5 فائدے بتائیں گے۔

انگور کی کئی اقسام پائی جاتی ہیں جن میں سُرخ انگور، کالا انگور، پیلا اور گلابی انگور اور سبز انگور وغیرہ شامل ہیں۔

انگور گرم مرطوب علاقوں میں کاشت کیا جاتا ہے اور صحت کے متعلق اس کے بیشمار فائدوں کی وجہ سے ساری دُنیا میں ہی کھایا جاتا ہے۔

جوڑوں کے لیے بہترین:

ایک تحقیق کے مطابق انگور کو کھانے کی عادت گھٹنوں کے جوڑ کی تکلیف سے ریلیف میں مدد دیتا ہے، اس میں موجود اینٹی آکسائیڈنٹس جوڑوں کی لچک اور حرکت کو بہتر کرتے ہیں۔

دماغی صحت بہتر کرے:

تحقیق کے مطابق انگور کھانے کی عادت دماغی تنزلی کا خطرہ کم کرنے میں مددگار ثابت ہوتی ہے، انگور کھانے سے ان اثرات سے تحفظ میں مدد ملتی ہے جو کہ الزائمر امراض سے جڑے ہوتے ہیں۔

ذیابطیس کو فائدہ دیتا ہے:

انگور اگرچہ بہت زیادہ میٹھا ہوتا ہے لیکن اس کا گلیسمیک انڈیکس 53 ہے یعنی یہ کم گلیسمیک انڈیکس والے ایسے کھانوں میں شامل ہے جن میں موجود میٹھا اور کاربس خون میں شوگر لیول کو چینی کی طرح تیزی سے ہائی نہیں کرتے۔

ایک تحقیق کے مطابق انگور میں ایسے کمپاونڈ شامل ہیں جو بلڈ شوگر کو نارمل رکھنے میں مدد دیتے ہیں اور یہ جسم میں انسولین کی حساسیت میں اضافہ کرتا ہے۔

آنکھوں کے لیے مفید:

تحقیق کے مطابق انگور کھانے کی عادت آنکھوں کی صحت کو بہتر کرتی ہے،  انگور کھانے سے آنکھوں کے قرینے میں نقصان دہ مالیکیولز کے اخراج کا خطرہ کم ہوتا ہے، یہ پھل ڈی این اے کو نقصان سے بچا کر صحت مند خلیات کو تحفظ فراہم کرتا ہے جس سے بینائی کو فائدہ ہوتا ہے۔

بڑھاپا جلدی نہیں آنے دیتا:

انگور کھانے سے آپ کی جلد تر و تازہ اور تندرست رہتی ہے۔

یہ بڑھاپے سے پیدا ہونے والے اثرات کو سُست کر دیتا ہے اور جوانی کو لمبے عرصے تک قائم رکھنے میں مدد دیتا ہے۔