گاجر کا رس دیگر پھلوں کے رس کے ساتھ مل کر ان کا ذائقہ اور افادیت بڑھا دیتا ہے۔ گاجر کے جوس کے فوائد سے پہلے یہ جان لیجئے کہ اس میں کونسے اہم غذائی اجزا پائے جاتے ہیں۔

گاجروں میں موجود وٹامن اے آنکھوں کےلیے نہایت مفید ہے،اس میں موجود ریشے (فائبر) خون میں کولیسٹرول کم کرتے ہیں اور وزن کو بھی قابو میں رکھتے ہیں۔

گاجر میٹھی ہوتی ہے مگر اس میں موجود فائبر اور کاربوہائیڈریٹس اس کی شوگر کو خون میں تیزی سے شامل نہیں ہونے دیتے اور یہی وجہ ہے کہ گاجر کا شُمار اُن سبزیوں میں ہوتا ہے جن کا گلیسمک انڈیکس کم ہے یعنی یہ خُون میں شوگر لیول کو تیزی سے نہیں بڑھاتی اور ایک میڈیم سائز کی گاجر میں صرف 25 کیلوریز ہوتی ہیں چنانچہ یہ ٹائپ 2 کی ذیابطیس کے مریضوں کے لیے بہترین سبزی ہے۔

پیٹ کے کیڑوں کے لیۓ بھی گاجر کا جوس بےحد مفید ہے۔

معدے کے السر کو گاجر کا استعمال روکتا ہے اور ہاضمہ کی دیگر بیماریوں سے نجات دیتا ہے۔

انسانی جلد کو تروتازہ رکھنے میں گاجر بہت ہی معاون ثابت ہوئی ہے۔

کھانے کے بعد گاجر کو چبا کر کھانے سے منہ میں پا ئے جانے والے جراثیم ہلاک ہو جاتے ہیں، مسوڑھوں سے خون بند ہو جاتا ہے اور دانتوں کا انحطاط رک جاتا ہے۔

گاجر میں پاۓ جانے والے کھاری اجزاء انسانی جسم میں خون کو صاف رکھتے ہیں ، یہ بدن کی نشوونما کرنے کے ساتھ ساتھ جسم میں تیزابیت پیدا کرتی ہے۔

کیا گاجر وزن کم کرنے میں فائدہ مند ہے

بہت سے لوگوں کے ذہن میں ایک سوال ہے کہ کیا وہ وزن کم کرنے کے دوران گاجر کا استعمال کر سکتے ہیں؟ یعنی گاجر وزن کم کرنے میں فائدہ مند ہے یا نہیں۔

اس سوال کے جواب میں ماہر غذائیت ڈاکٹر سوگیتا متریجا کا کہنا ہے کہ وزن کم کرنے کے دوران گاجر کو آسانی سے کھایا جا سکتا ہے۔

گاجر وزن کم کرنے میں بھی موثر ہے۔ دراصل گاجر میں کیلوریز بہت کم ہوتی ہیں جو کہ وزن کم کرنے میں مددگار ثابت ہوتی ہیں۔ اس لیے اگر آپ چاہیں تو سردیوں میں گاجر کو اپنی خوراک میں شامل کرکے اپنا وزن کم کرسکتے ہیں۔

گاجر میٹابولزم کو بہتر کرتی ہے۔ وزن کم کرنے کے لیے آپ گاجر کو ابلی ہوئی، بھنی ہوئی، سوپ اور سلاد کی شکل میں کھا سکتے ہیں۔