یہ کوئی راز کی بات نہیں کہ جیسے جیسے آپ کی عمر بڑھتی ہے جلد پر اس کے اثرات نمودار ہونا شروع ہوجاتے ہیں جس کے نتیجے میں جلد ڈھیلی ہوکر جھریوں کا سبب بنتی ہے ساتھ ڈھیلی جلد کی وجہ مسامات بھی کھل جاتے ہیں۔

ایک خاص عمر کے بعد، آپ کی جلد قدرتی لچک اور نمی کھونے لگتی ہیں تاہم متوازن غذا اور جلد کو جواں رکھنے والے ماسک کا استعمال کر کے جلد کی لچک اور چمک کو واپس لایا جاسکتا ہے۔

جلد کے مختلف مسائل کے لیے مختلف طرح کے ماسک کا استعمال کیا جاتا ہے اسی طرح  کھلے مسامات کو کم کرنے کے لیے یہاں پر ایک ماسک کی ترکیب پیش کی جارہی ہے جو اس ضمن میں کارگر ثابت ہوگی۔

اس ماسک کو تیار کرنے کے لیے ایک انڈے کی سفیدی اور ایک چائے کا صندل پاؤڈردرکارہے۔

ان دونوں کو اچھی طرح مکس کر کے چہرے پرلگائیں، خشک ہونے پر ایک اور تہہ لگائیں اسی طرح اس عمل کو ایک اور بار دہرائیں، جب خشک ہوجائے تو ٹھنڈے پانی سے چہرہ دھولیں۔

اس کے بعد ٹونر لگانا نہ بھولیں۔