انسان ازل سے ہی یہ خواہش رکھتا ہے کہ طویل عرصے تک زندہ رہے، اور اس مقصد کے لیے وہ جدوجہد بھی کر رہا ہے، تاہم مختلف تحقیق کے نتیجے میں کچھ غذاؤں کے بارے میں حیرت انگیز انکشافات سامنے آئے ہیں۔

اگر آپ پنیر کھانے کے شوقین تو یہ خبر آپ کے لیے ہے، حالیہ تحقیق کے نتیجے میں یہ بات سامنے آئی ہے کہ پنیر کھانا لمبی زندگی کا ضامن ہو سکتا ہے۔

نیچر میڈیسن کی حالیہ تحقیق کے مطابق پرانے پنیر میں پائے جانے والے ایک مرکب اسپرمائڈائن کا استعمال طویل عرصے تک زندہ رہنے کی کلید ثابت ہو سکتا ہے۔

ابتدائی طور پر، محققین نے چوہوں اور چوہیوں پرسپرمائڈائن کے اثرات کا تجربہ کیا، جس کے بعد  ان کی اوسط عمر میں اضافہ دیکھا گیا۔

اس کے بعد محققین نے پنیر کی افادیت جاننے کے لیے  800 اطالوی پاشندوں کی خوراک کے بارے میں سروے کیا اور جن لوگوں نے اسپرمائیڈائن کی زیادہ مقدار کو غذا میں شامل رکھا ان میں ہارٹ فیلیئر، بلڈ پریشر اور دیگر امرض قلب کا خطرہ 40 فیصد کم تھا۔

لہذا، اس تحقیق کے نتائج کے مطابق پنیر کا استعمال امراض قلب اور ہائی بلڈ پریشر کے خطرے کو کم کرتا ہے، جو کہ اموات کی بڑی وجہ ہیں۔

نتیجہ

پنیر کھانا زندگی میں اضافہ کا سبب بنتا ہے لیکن اس سے پہلے کہ آپ فرج میں رکھے پنیرکی زائد مقدارکو کھائیں بس یہ یاد رکھیں کہ پنیر میں چکنائی بہت زیادہ ہوتی ہے، جو اسپرمیڈین کے اثرات کو ختم کر سکتی ہے۔

تاہم اچھی خبر یہ ہے کہ مکئی، مٹر، تمام اناج اور سویا بین میں بھی اسپرمائیڈین موجود ہوتا ہے جسے آپ پنیر کے ساتھ غذا میں شامل کرسکتے ہیں۔