دماغ کا ٹیومر آپ کے دماغ میں غیر معمولی خلیوں کا ایک مجموعہ ہوتا ہے۔

آپ کی کھوپڑی جو آپ کے دماغ کو گھیرے ہوئے ہے بہت سخت ہے اس طرح کی محدود جگہ کے اندر کسی بھی چیز کا بڑھنا مسائل کا سبب بن سکتا ہے۔

برین ٹیومر کینسر شدہ  یا غیر کینسر شدہ ہو سکتے ہیں جب بینائن یا میلگنینٹ ٹیومر بڑھتے ہیں تو وہ آپ کی کھوپڑی کے اندر دباؤ بڑھانے کا سبب بن سکتے ہیں اس سے دماغ کو نقصان پہنچ سکتا ہے اور یہ جان لیوا ہو سکتا ہے۔

دماغ کے ٹیومر کو پرائمری یا سیکنڈری کے طور پر درجہ بندی کیا جاتا ہے، ایک پرائمری برین ٹیومر آپ کے دماغ میں پیدا ہوتا ہے۔ بہت سے پرائمری دماغ کے ٹیومر بینائن ہوتے ہیں۔

ایک سیکنڈری برین ٹیومر، جسے میٹاسٹیٹک برین ٹیومر بھی کہا جاتا ہے اس وقت ہوتا ہے جب کینسر کے خلیے آپ کے دماغ میں کسی دوسرے عضو جیسے آپ کے پھیپھڑوں یا چھاتی سے پھیلتے ہیں۔

برین ٹیومر کی علامات:

اگر آپ کو اکثر چکر آتے ہیں، ہر وقت سر درد رہتا ہے، اگر کوئی کام کرتے ہوئے ہاتھ پاؤں کانپتے ہیں تو ان علامات کو بالکل نظر انداز نہ کریں یہ علامات دماغ میں برین ٹیومر ہونے کی علامت ہو سکتی ہیں۔

بولنے میں دشواری محسوس کرنا، نظر کی کمزوری، جسم کو متوازن رکھنے میں دشواری، ہر وقت متلی یا الٹی کا احساس ہونا، مستقل سر درد، ہمیشہ تھکاوٹ محسوس کرنا، ہاتھ ، پیروں میں سنسناہٹ،، چیزیں بھول جانا بھی اس کی علامات میں شامل ہیں۔

ایسی صورت حال میں یہ ضروری ہو جاتا ہے کہ آپ ان علامات کو بروقت پہچانیں اور فوری طور پر اپنا علاج شروع کریں۔

طبی ماہرین کے مطابق برین ٹیومر بننے کے بعد یہ پھیلنا شروع ہو جاتا ہے اس کے پھیلاؤ کی رفتار مریض سے دوسرے مریض میں مختلف ہوتی ہے۔

بعض میں یہ چند ہفتوں میں پھیلتا ہے اور بعض میں مہینوں لگتے ہیں جب ٹیومر پھیلتا ہے تو یہ دماغ میں موجود جسم کو جوڑنے والے اعصاب کو نقصان پہنچانا شروع کر دیتا ہے جس کی وجہ سے جسم کے حصے ایک ایک کر کے بیکار ہونے لگتے ہیں۔

اس بیماری کا واحد علاج سرجری ہے، برین ٹیومر کا بروقت علاج نہ کیا جائے تو یہ جان لیوا بھی ہوسکتا ہے۔