گھبراہٹ، ذہنی تناؤ، خوف، پسینہ آنا، اور تیز دل کی دھڑکن یہ سب علامات پریشانی اور اضطراب کو ظاہر کرتی ہیں۔ اگر یہ کسی حقیقی خطرے کے نتیجے میں ہوتو یہ علامات مددگار ثابت ہو سکتی ہیں۔

تاہم بعض اوقات، یہ احساسات بلا وجہ اور بہت شدت کے ساتھ جنم لینے لگتے ہیں اور یہ بے چینی روزمرہ کے معمولات کو بری طرح متاثر کرنے لگتی ہے۔ اگر کوئی فرد اس ذہنی کیفیت تک پہنچ جائے جہاں وہ ہر لمحہ پریشان رہتا ہے تو یہ ایک عارضہ بن جاتا ہے۔ جس کے بعد اس کے معمولات خراب ہونے لگتے ہیں۔

 یونا میک کین، ایم ڈی، سائیکاٹری کی پروفیسر اور ڈائرکٹر کا کہنا ہے یہ واقعی کسی کی زندگی کو نقصان پہنچانے کی حد تک متاثر کر سکتا ہے۔

ڈاکٹر میک کین نے اس کی وضاحت کرتے ہوئے کہا کہ اس عارضہ میں مبتلا شخص اپنا کام کرنے، گھریلو فرائض انجام دینے، یا اپنی یا اپنے پیاروں کی دیکھ بھال کرنے کے قابل نہیں رہتا وہ ہر وقت پریشانی اور اضطراب کی کیفیت میں رہتا ہے۔

اس کے لیے سب سے پہلے یہ جاننا نہایت ضروری ہے کہ آخر اس کی وجہ کیا ہے تاکہ اسے روکا جاسکے۔

عموماً اضطراب کے محرکات یا عوامل ہر ایک کے لیے مختلف ہوتے ہیں تاہم ماہرین کے نزدیک کچھ ایسے عوامل ہیں جو بہت عام ہونے کے سب کے مشترکہ ہیں۔

اپنے بارے میں غلط سوچنا

اپنے بارے میں معمولی بیماری کو بڑا مرض سمجھ کر پریشان رہنا۔ یہ بات عام ہے کہ ہر کسی کو وقتاً فوقتاً اپنی صحت کے بارے میں خدشات لاحق ہوتے رہتے ہیں، ڈاکٹر میک کین کا کہناہے کہ اگریہ  پریشانی روزمرہ کے کام کاجمیں خلل کا سبب بننے لگ جائے تو یہ دائمی پریشانی یا اضطراب کی علا مت کو ظاہر کرتی ہے۔

اپنے پیاروں کی فکر

کچھ لوگوں کے لیے، اضطراب اپنے بارے میں فکر سے نہیں آتا بلکہ اس خوف سے ہوتا ہے کہ ان کے پیاروں کے ساتھ کیا ہو سکتا ہے۔ ڈاکٹر میک کین نے کہا کہ لوگ نہ صرف اپنے بچوں، قریبی خاندان کے افراد، یا دوستوں کے ساتھ ہونے والی کسی چیز کے بارے میں پریشان ہو سکتے ہیں بلکہ یہ بھی کہ اگر حقیقت میں کچھ برا ہو جائے تو وہ ممکنہ طور پر کیسے نمٹ سکتے ہیں۔

آپ کے پاس کتنا پیسہ ہے (یا نہیں ہے)

مالی اضطراب کو جنم دینے کی ایک وجہ یہ ہے کہ، آپ کے ذہنوں میں، پیسہ بقا سے جڑا ہوا ہے۔ “پیسہ واقعی ایک ایسا وسیلہ ہے جو لوگوں کو تحفظ اوراس کا احساس فراہم کر سکتا ہے،” چلو کارمائیکل، پی ایچ ڈی، جوکہ نیویارک شہر میں ماہر نفسیات ہیں کا کہنا ہے کہ جب آپ یہ محسوس کرتے ہیں کہ آپ کے پاس وسائل کی کمی ہے، تو حقیقت میں آپ یہ محسوس کرتے ہیں کہ ان کی بقا خطرے میں ہے۔

نیند کی کمی

صحت مند رہنے کے لیے بالغوں کو روزانہ کم از کم 7 گھنٹے اچھی اور معیاری نیند لینا چاہیے۔ نیند کی کمی بھی ایک اور عنصر ہے جو اضطراب کو بڑھا سکتا ہے۔

کافی

جی ہاں، کافی پریشانی یا اضطرب کی کیفیت کو مزید بڑھا سکتی ہے کلیولینڈ کلینک کی ووسٹر برانچ میں خواتین کے صحت کے مرکز کی ماہر نفسیات سوسن بولنگ کا کہنا ہے کہ ایک تحقیق کے مطابق  200 ملی گرام سے زیادہ کیفین کا استعمال جوکہ دوکافی کے کپ کے برا بر ہے اضطراب کو بڑھا سکتا ہے۔

ادویات

کچھ ادویات ایسے ہوتی ہیں جو اضطراب کے لیے محرک ثابت ہوتی ہیں ان میں ایمفیٹامائنز اور میتھلفینیڈیٹ شامل ہیں، یہ دونوں ہی توجہ کی کمی ہائپر ایکٹیویٹی ڈس آرڈر اور نارکولیپسی کے علاج میں استعمال ہوتی ہیں۔

پروسیسرڈ کاربوہائیڈریٹ سے بھر پور غذا

آپ کی خوراک آپ کی دماغی صحت کو بھی متاثر کر سکتی ہے۔ پنسلوانیا یونیورسٹی میں سینٹر فار دی ٹریٹمنٹ اینڈ اسٹڈی آف اینگزائٹی کی ڈائریکٹر للی براؤن کے مطابق، آپ جو کھاتے ہیں اور جس طرح سے آپ کو محسوس ہوتا ہے وہ آپ کو اضطراب کے اثرات کے لیے زیادہ حساس بنا سکتا ہے۔

جون 2020 میں برٹش میڈیکل جرنل میں شائع ہونے والی تحقیق میں بتایا گیا کہ پروسیسڈ کاربوہائیڈریٹس کی زیادہ مقدار کھانے سے پریشانی کا خطرہ بڑھ سکتا ہے۔

کمال پسندی

ہر کام کو بہترین انداز میں کرنا بھی ایک محرک ہوسکتا ہے ایسا شخص پرفیکشنزم یعنی کمال پسندی پر عمل کرتے ہوئے کام کرنے کی کوشش کرتا ہے اور ناکامی پر پریشانی میں مبتلا ہوسکتا ہے۔

کسی عزیز سے جدا ہونے کا خوف

ایسا خوف کہ کوئی آپ سے علیحدہ ہوجائے گا جیسے اہل خانہ یا دوست یہ بالغوں کے لیے بھی پریشانی کا باعث بن سکتا ہے۔ اور وہ ان سے دور ہونے پر یہی سوچتے رہتے ہیں کہ ان کے ساتھ کوئی ناخوشگوار واقعہ پیش نہ آجائے۔

قدرتی آفات

انتہائی موسمی واقعات زیادہ کثرت سے واقع ہورہے اور سائنس دانوں کے مطابق یہ موسمیاتی تبدیلی کی وجہ سے جنم لے رہے ہیں۔ یہ سوچ آپ کو ذہنی دباؤ میں مبتلا کر دیتی ہے جو اضطراب کا سبب بنتی ہے۔

اس نجات کیسے حاصل کی جائے

اپنے محرکات کا پتہ لگائیں

پریشانی اور اضطراب کے محرکات کے بارے سوچیں یہ کیا ہیں ان سے کیا ہوسکتا اضطراب پر قابو پانے میں غیر معمولی طور پر مددگار ثابت ہو سکتا ہے۔ جبکہ اس کے لیے کسی ماہر نفسیات کی مدد بھی حاصل کی جاسکتی ہے یہ اس ضمن میں کار گر ثابت ہوگی۔