دنیا کی ایک بڑی آبادی موٹاپے کا شکار ہیں اورموٹاپابذات خود کئی بیماریوں کی آماجگاہ ہے اس لئے وزن کو ہمیشہ اعتدال میں رکھنا چاہئے، لوگوں کی کثیر تعداد موٹاپے کو کم کرنے کے لئے ڈائٹنگ کا سہارا لیتی ہیں لیکن وزن کم ہونے پر جیسے وہ دوبارہ معمول کے کھانے پر آتے ہیں تو ان کا وزن پھر بڑھ جاتا ہے۔

تاہم  کچھ افراد میں دیکھا گیا ہے ان میں وزن بڑھنے کا رجحان پایا جاتا ہے وہ کچھ بھی کھا لیں وزن ضرور بڑھے گا اس کے علاوہ ایسے تمام افراد جو دفتر میں بیٹھ کر کام کرتے ہیں اور ان کی جسمانی سرگرمی نہ ہونے کے برابر ہوتی ہے ان کا بھی وزن بڑھنا ایک عام سی بات ہے ۔ اگر وزن بڑھ جائے تو اسے کم کرنا ایک مشکل اور صبر طلب مرحلہ ہے ۔ آج یہاں آپ کو وزن کم کرنے کا ایک آسان طریقہ بتارہیں جس کے لئے آ پ کو ڈائٹنگ کی ضرورت نہیں بلکہ ان صحت بخش مشروبات کو اپنی غذا کا حصہ بنائیں اور اپنا وزن گھٹائیں ۔

سیب کا سرکہ اور شہد کا مشروب

پانی ایک گلاس

سیب کا سرکہ ایک کھانے کا چمچ

شہد ایک کھانے کا چمچ

لیموں کارس ایک چائے کا چمچ

پانی میں تمام اجزاء کو اچھی طرح سے ملائیں اور پی لیں یہ وزن کم کرنے کے ساتھ صحت کے لئے بھی بہت مفید ہے ۔

زیرہ اور دار چینی کا مشروب

پانی دو گلاس

زیرہ ایک چائے کے چمچ

دارچینی ایک انچ کا ٹکڑا

لیموں کا رس ایک چائے کا چمچ

شہد ایک چائے کا چمچ

دو گلاس پانی میں زیرہ دار چینی ڈال کر ابالنے کے لئے چولھے پر رکھ دیں ۔ اسے اتنا ابالیں کہ ان دونوں اجزاء کا عرق اچھی طرح پانی میں شامل ہو جائے اور اس کا رنگ تبدیل ہوجائے ۔ اب اسے چھان لیں ۔ اس کا ایک گلاس پانی لے کر اس میں لیموں کا رس اور شہد ملا کر استعمال کریں یہ نہ صرف وزن کم کرے گا بلکہ جسم کے فاسد مادوں سے بھی نجات دے گا۔