موسم سرما میں ٹھنڈ کے باعث انڈوں کی مانگ میں اضافہ ہو جاتا ہے اور یہی وجہ ہے کہ پورے سال کے مقابلے میں سردیوں میں انڈوں کی قیمت دگنی ہو جاتی ہے۔

لوگ انڈوں کو کئی طریقوں سے کھانا پسند کرتے ہیں، کوئی ہاف فرائی، کوئی فل فرائی اور کوئی اُبال کر کھاتا ہے، اس کے علاوہ انڈوں کا آملیٹ اور سالن بنا کر بھی کھایا جاتا ہے۔

  لیکن آج ہم آپ کو بتائیں گے کہ کس طریقے سے بنا ہوا انڈا صحت کیلئے زیادہ فائدہ مند ہے؟

انڈے کی افادیت سے تو کوئی بھی انکار نہیں کر سکتا کیونکہ اس میں پروٹین ہوتے ہیں جو جسم کو تقویت بخشتے ہیں۔

ہاف فرائی انڈے میں 92 کیلریز ہوتی ہیں جبکہ ابلے ہوئے انڈے میں 71 کیلریز پائی جاتی ہیں۔ کیلریز جسم کے لیے بری نہیں لیکن ضرورت سے زیادہ کیلریز اگر جسم کو مل جائیں تو یہ وزن بڑھانے اور اس کے علاوہ دوسری بیماریاں پیدا کرنے کا سبب بن سکتا ہے۔

ہاف فرائی انڈے میں تیل کا استعمال بھی ہوتا ہے، تاہم اسی وجہ سے ڈاکٹرز دل کے مریضوں کو اسے کھانے سے منع کرتے ہیں۔

یہی وجہ ہے کہ اُبلا ہوا انڈا، تلے ہوئے انڈے کے مقابلے میں صحت کیلئے زیادہ مفید ہوتا ہے۔