شکر قندی کھانے میں لذیذ لگتی ہے تاہم دیگر سبزیوں کے ساتھ مل کر اس کا جوس بھی خوش ذائقہ ہوتا ہے۔

 شکر قندی بیٹا کیروٹین اور پوٹاشیم کے حصول کا ایک مؤثر ذریعہ ہے، جبکہ یہ جسم میں باآسانی وٹامن اے میں تبدیل ہوجاتا ہے یہی وجہ ہے کہ شکر قندی صحت مند جلد اور بینائی کے لیے ایک مفید سبزی تصور کی جاتی ہے۔

لیکن کیا آپ جانتے ہیں کہ اس کا جوس انسانی صحت کیلئے انتہائی مفید ہے؟ اگر نہیں تو آج ہم آپ کو بتائیں گے کہ اس کا جوس پینے سے کیا ہوتا ہے اور یہ کیسے بنایا جاتا ہے۔

شکر قندی کا جوس سردیوں میں جلد کو تازگی فراہم کرنے اور بصارت کو بہتر بنانے کے لیے نہایت کارآمد ہوتا ہے۔

 جوس بنانے کا طریقہ

1 درمیانے سائز کی شکر قندی، 2 عدد گاجریں، 2 عدد اجوائن کے پتے، ڈیڑھ انچ ادرک کا ٹکڑا اور 2 عدد شملہ مرچ لیں اور ان کو جوسر میں ڈال کر اچھی طرح بلینڈ کریں۔

جب یہ مشروب تیار ہو جائے تو اس کو ہفتے میں ایک بار پیئیں، اس سے آپ کی جلد تروتازہ رہے گے اور نظر بھی کمزور نہیں ہو گی۔