سردیاں جہاں اپنے ساتھ ٹھنڈی ہو ائیں ،مزیدار پھل اور میوے لے کر آتی ہیں وہیں ان کے ساتھ کئی بیماریاں بھی چلی آتی ہیں ۔ جیسے نزلہ زکام،کھانسی اور بخارجواس موسم میں بہت عام ہو جاتے ہیں۔

،ان بیماریوں سے سب سے زیادہ بچے اور ایسے افراد جن کا مدافعتی نظام کمزور ہوتا ہے متاثر ہوتے ہیں ۔ یہ بات تو سب ہی مائیں جانتی ہیں کہ جب بچے بیمار ہو جائیں تو ان کا امتحان شروع ہو جاتا ہے، بچے بیماری کی صورت میں چڑچڑے ہو جاتے ہیں کوئی بھی دوا لینے یا قہوہ پینے سے دور بھاگتے ہیں توانہیں رات سوتے وقت سینے اور گردن میں تھوڑی سی ہر بل بام لگادی جائے تو یہ بھی کسی دوا سے کم نہیں بلکہ اس کی اثر انگیزی اس بھی کہیں زیادہ ہے ۔ تو آج ہی فرح کے بتائے ہو ئے طریقے سے یہ ہربل بام بنائیں اور سردی کی ان بیماریوں سے نجات پائیں ۔

اجزاء:

 اس ہربل بام کو بنانے کے لیے جو اجزاء درکار ہیں میں  ایک کھانے کا چمچ پیٹرولیم جیلی، ایک کھانے کا چمچ ناریل کا تیل، دوچٹکی لونگ کا پاؤڈر، چٹکی بھر پیپر منٹ اور چٹکی بھر ہلدی شامل ہے۔

ترکیب:

ایک فرائی پین میں پیٹرولیم جیلی ڈال کر دھیمی آنچ پر پگھلالیں ،پھر اس میں ناریل کا تیل شامل کریں ساتھ بقیہ اجزاء بھی شامل کردیں ،پھر انہیں اچھی طرح مکس کریں ،اس کے بعد اسے کسی جار یا بوتل میں بھر کر رکھ دیں یہ تھوری دیر میں جمنا شروع ہو جائے گی ۔ اب اسے کھانسی اور سینے کی جکڑن میں بچے کے سینے اور گردن میں لگائیں آپ دیکھیں گے کہ یہ بچے کو ان بیماریوں سے نجات دے کر آرام پہنچائے گی۔