ڈاکٹرز کا کہنا ہے کہ انسانی صحت برقرار رکھنے کیلئے ہر رات آٹھ گھنٹے نیند کرنا انتہائی ضروری ہے کیونکہ اگر کوئی انسان ایسا نہیں کرتا تو وہ دائمی بیماریوں کا شکار ہو سکتا ہے۔

حال ہی میں کی گئی ایک تحقیق سے یہ بات سامنے آئی ہے کہ اگر کسی کی عمر 50 سال سے زائد ہے تو ہر رات 5 گھنٹے یا اس سے کم نیند لینا آپ کی صحت کے لیے خطرناک ہو سکتا ہے۔

یہ بھی پڑھیں؛ ٹائپ ٹو ذیابیطس، کیا نیند کی کمی اس خطرے کو بڑھا سکتی ہے؟

 تحقیق میں برطانیہ کے آٹھ ہزار سرکاری ملازمین کو شامل کیا گیا، ان تمام ملازمین میں 50 سال کی عمرتک کوئی دائمی بیماری نہیں تھی۔

ان تمام افراد سے ان کی نیند اور صحت کے بارے میں معلومات لی گئیں جن لوگوں کی نیند 50 سال کی عمر میں ٹریک کی گئی ان میں پانچ گھنٹے یا اس سے کم سونے پر ان میں دائمی بیماریوں کا خطرہ 30 فیصد زیادہ تھا۔

یہ بھی پڑھیں؛ اچھی صحت کیلئے روزانہ کتنے گھنٹے ’سونا‘ مفید ہے؟

پھر ان کا موازنہ ان لوگوں سے کیا گیا جو رات میں 7 گھنٹے سوتے تھے، ایک ہی وقت میں یہ خطرہ 60 سالوں میں 32 اور ستر سال کی عمر میں 40 فیصد بڑھ گیا، مقررہ نیند نہ لینے سے موت کا خطرہ بھی 25 فیصد پایا گیا۔