موسم سرما اپنے ساتھ کئی طرح کے پھل اور سبزیوں کی سوغات لے کر آتا تو ساتھ ہی کئی بیماریاں بھی چلی آتی ہیں ان میں نزلہ زکام اور فلوشامل ہیں ہے۔ان موسمی بیماریوں کے لیے لوگوں کی بڑی تعداد گھریلوعلاج کو ترجیح دیتی ہے انہی میں ادرک بھی شامل ہے۔

یہ بات درست ہے کہ سردیوں میں دن چھوٹے ہونے سے خود دماغ پربھی کئی طرح کے اثرات مرتب ہوتے ہیں۔ اس تناظر میں ادرک قدرت کا ایک انمول تحفہ ہے جو ہمیں سردیوں سےبچاتا ہے۔ موسمِ سرما میں سر اٹھانے والے کئی امراض میں ادرک ایک بہترین اور اکسیر دوا ثابت ہوتا ہے۔ ہماری ویب کے محترم قارئین اس مختصر مضمون میں جان سکیں گے کہ ادرک کیونکر سردیوں کا ایک معالجاتی خزانہ بھی ہے۔

ادرک کی چائے

سردی اور سینے کی جکڑن کا بہترین علاج ادرک کی چائے کی صورت میں پیش کیا جاتا ہے۔ برسہابرس سے لوگ ادرک کی چائے کو سردی بھگانے کے لیے استعمال کرتے رہے ہیں۔ اب ادرک کی چائے بنانا بہت آسان ہے۔

پہلے دو کپ پانی اچھی طرح کھولا کر ابالیں اور بعد میں ادرک کا ایک ٹکڑا اس میں ڈالدیں۔ اس کے بعد ادرک کے اجزا کو پانی میں سرایت کرنے دیجئے۔

اب حسبِ ذائقہ شہد، لیموں کا رس اور دارچینی کا سفوف ملا کر ادرک کی چائے استعمال کیجئے۔ یہ فوری طور پر سردی دور کرتی ہے اور کھانسی کو رفع کرے گی۔ بہتر نتائج کے لیے دن میں دو مرتبہ یہ چائے ضرور استعمال کیجئے جس سے سانس کی نالی صاف ہوجائے گی اور بہت سکون محسوس ہوگا۔

لیکن ادرک کے لاتعداد فوائد یہاں ختم نہیں ہوتے۔ ادرک کےچائے مختلف انداز سے بنا کر وزن کم کرنے اور یہاں تک کولیسٹرول گھٹانے میں بھی استعمال ہوتی ہے۔

عین اسی طریقے سے ہلدی اور ادرک کی چائے بھی جاڑے کے امراض سے بچانے کی غیرمعمولی صلاحیت رکھتی ہے۔ اسے بنانے کا طریقہ یہ ہے کہ دو کپ کھولتے پانی میں ادرک کا ٹکڑا اسی طرح ڈالیں گے جیسا کہ اوپر بیان کیا۔ اس کے ساتھ ہی نصف چھوٹا چمچہ ہلدی ملایئے۔ اس مشروب کو اچھی طرح ہلاتے رہیں تاکہ ادرک اور ہلدی کا اثر پانی میں شامل ہوجائے۔ اس کے بعد چھان کر نیم گرم چائے حسبِ ذائقہ شہد ملاکر استعمال کیجئے۔