چہرے کی جلد کی خوبصورتی بڑھانے اور حفاظت کے لیے دنیا بھر میں مختلف طریقہ کار استعمال کئے جاتے ہیں  جو عموماً ان کی ثقافت کا حصہ ہوتے ہیں اور جنہیں خواتین صدیوں سے اپنے معمول کا حصہ بناکرجلد کو صحت مند رکھتی ہیں، انہی میں جاپانی خواتین بھی شامل ہیں۔

جاپانی خواتین کی جلد نہایت خوبصورت اور بے داغ ہوتی ہے جبکہ وہ اسے حاصل کرنے کے لیے ایک خاص روٹین کو اختیار کرتی ہیں تاکہ ان کی جلد ہمیشہ دلکش اور بے داغ دکھائی دے۔ یہاں پر اسی روٹین کا ذکر کیا جارہا ہے جسے اپنا کر آپ بھی ان کی طرح خوبصورت نظر آئیں گی۔

چاول کے پانی سے نہانا

 جاپانی خواتین نہانے کے لیے چاولوں کا پانی استعمال کرتی ہیں یہ پانی جلد کو صحت مند رکھنے میں انتہائی مفید ثابت ہوتا ہے اس پانی سے نہانا بالوں اور جلد کو نرم بناتا ہے اس میں قدرتی ایمولینٹ اور اینٹی آکسیڈنٹ خواص پائے جاتے ہیں جو جلد کی نشوونما کر کے جھریوں کو روکنے میں مددگار ثابت ہوتے ہیں۔

 غسل کے وقت کی رسومات

جاپان میں غسل کے وقت کو ایک رسم کے حیثیت حاصل ہے اس میں گرم چشمہ “اونسن” یا باتھ ہاؤسزسے لے کر گھریلو باتھ ٹبوں میں نہاتے وقت ایکسفولیئٹنگ کلینزر کا استعمال کرتے ہوئے جسم کو سر سے پاؤں تک صاف کیا جاتا ہے۔ نہانے سے قبل جاپانی خواتین مختلف تیل جن میں جڑی بوٹیوں کے عرق شامل ہوتے ہیں سے مساج کرتی ہیں جو جلد کو صحت مند رکھنے کے ساتھ نیند کو بھی بہتر بناتے ہیں۔

سبز چائے

جاپان میں سبز چائے پینے کو ایک مقدس روایت کے طور پر انجام دیا جاتا ہے۔ سبز چائے میں اینٹی آکسیڈنٹس کی کثیر مقدار موجود ہوتی ہیں۔ سبز چائے پینا آپ کے میٹابولزم کو تیز کرنے اور چربی جلانے کا ایک اچھا طریقہ ہے جبکہ یہ چھاتی کے کینسر کو روکنے میں مددگار ثابت ہوتی ہے۔

آپ سبز چائے کو بطورٹونر استعمال کر سکتے ہیں یہ قدرتی ٹونر آپ کو چمکدار جلد دینے اورمسامات  کے سائز کو کم کرنے میں مدد کر سکتا ہے۔

ایکسفولیٹ

جاپانی ہموار جلد کو بے حد پسند کرتے ہیں یہ ان کی ایک انتہائی قابل قدر خصوصیت ہے، اورجسے باقاعدہ ایکسفولیئشن کے ساتھ ہی حاصل کیا جاسکتا ہے۔

مچھلی سے علاج

پیروں کی کھردری جلد کو صاف کرنے کے لیے جاپانی اپنے پیروں کو “ڈاکٹر فش” یا بغیر دانت والی مچھلیوں سے بھرے ایک چھوٹے ٹب یا تالاب میں ڈبو دیتے ہیں۔

یہ مچھلی پیروں کی کھدری جلد کو صاف کرتی ہیں، اس طرح ایڑیوں کو ہموار کرنے اور انہیں صحت مند نظر آنے میں مدد دیتی ہے۔