چہرہ شخصیت کا آئینہ ہے اسی لیے چہرے کی جلد کی صحت اور حفاظت کا خیال رکھنا نہایت ضروری ہے۔ چہرے کی جلد کی جتنی صاف اور ہموار ہوگی اتنی ہی یہ خوبصورت اور چمکدار دکھائی دے گی۔

جلد کی حفاظت کے لیے جہاں متوازن غذا، مناسب مقدار میں پانی کا استعمال اور بھرپور نیند ضروری ہے وہی اس کے صحت اور صفائی کے لیے مختلف اسکرب اورماسک کا استعمال بھی اہم ہے۔

خواتین کی بڑی تعداد اس مقصد کے لیے کئی طرح کے کیمیکلز کا استعمال کرتی ہیں جو جلد کو ہموار بنانے کے ساتھ کچھ مضر اثرات بھی چھور جاتے ہیں اسی لیے اب خواتین چہرے کی چمک اور رونق بڑھانے کے لیے قدرتی اجزاء کا استعمال کرتی ہیں جو ہر طرح کے مضر اثرات  سے پاک ہونے کے ساتھ بہترین نتائج دیتے ہیں۔

اس بات کو مدنظر رکھتے ہوئے یہاں پر چہرے کی چمک بڑھانے اور داغ دھبوں کو دور کرنے کے لیے ایک ایسا طریقہ پیش کیا جارہا ہے جس کے بعد آپ کی جلد پہلے سے کہیں زیادہ چمکنے لگ جائے گی۔

اس آمیزے کو بنانے کے لیے ایک چائے کا چمچ نیم کا پاؤڈر، ایک چائے کا چمچ بیسن اور چائے کاچمچ چقندر کاپاؤڈردرکار ہے اب اسے ایک بوتل میں ڈال کر اچھی طرح مکس کریں۔

اب اس آمیزے کا آدھا چائے کا چمچ لے کر اس میں ایک چائے کا چمچ بالائی اور ایک چائے کا عرق گلاب شامل کر کے اچھی طرح مکس کریں۔

چہرے کو اچھی طرح  دھوکر اس آمیزے کو چہرے پر لگائیں اور ایک سے دومنٹ تک ہلکے ہاتھ سے مساج کریں اس کے بعد چہرہ دھولیں۔

 اب ایک نہایت  ہی نرم کپڑا یا تولیہ لے کر اسے گیلا کر نے کے بعد اچھی طرح نچوڑ لیں پھر اس میں بادام کے تیل کی تھوڑی سی مقدار ڈال کر اسے چہرے جس طرح پالش کی جاتی ہے پھریں آپ دیکھیں گے آپ کی جلد بہت زیادہ چمکے لگے گی۔