بہتر صحت کے لیے جسم میں تمام ہی وٹامنز اور منرلز کا صحیح تناسب ہونا نہایت ضروری ہے کسی ایک وٹامن کی کمی بھی آپ کی مجموعی صحت کو متاثر کر سکتی ہے اسی میں وٹامن ڈی بھی شامل ہے۔

تحقیق سے یہ بات ثابت ہوچکی ہے کہ وٹامن ڈی کی کمی جسم میں کئی امراض کا سبب بنتی ہے تاہم جتنا اہم یہ وٹامن ہے اسی لحاظ سے اس کا حصول بھی بے حد آسان ہے۔ سورج کی روشنی وٹامن ڈی حاصل کرنے کا سب سستا اورآسان ذریعہ تاہم اس کے علاوہ یہ دودھ، انڈہ، سیریل اورمختلف پھل اور سبزیوں میں بھی بکثرت پایا جاتا ہے۔

جبکہ ابٹن کے نام سے ہر کوئی واقف ہے یہ چہرے پر داغ دھبوں کو صاف کر کے رنگت کو نکھارنے میں اپنی مثال نہیں رکھتا اور اگریہ کہا جائے تو غلط نہیں ہوگا کہ کوئی بھی دلہن اس کے بغیر تیار نہیں ہوسکتی۔

تاہم  یہاں جس ابٹن کا ذکر کیا جارہا ہے اسے لگانے سے بھی جہاں آپ نکھری رنگت پائیں گے وہی اس لگانے سے وٹامن ڈی کو بھی اپنے جلد میں جذب کر سکتے ہیں، بس اسے لگا کر کچھ دیر کے لیے دھوپ میں بیٹھنا ہے۔

ابٹن بنانے کے لیے اجزاء

اس ابٹن کو بنانے کے لیے جو اجزاء درکار ہیں ان میں ایک چائے کا چمچ سنگھاڑے کا پاؤڈر، آدھا چائے کاچمچ ہلدی، ایک چائے کا چمچ مونگ پھلی کے چھلکوں کا پاؤڈر،آدھا چائے کا چمچ دار چینی کا پاؤڈر، ایک چٹکی میٹھا سوڈا اورایک چائے کا چمچ تیل جو گھر میں موجود ہوشامل ہیں۔

طریقہ:  

ایک پیالی میں ان تمام اجزاء کو اچھی طرح مکس کریں اب اس میں اتنا تیل شامل کریں یہ ایک اچھا سا پیسٹ بن جائے اب اس پیسٹ کو چہرے، گردن اور ہاتھوں پر لگاکر کچھ دیر کے لیے دھوپ میں بیٹھ جائیں اس طرح جلد میں وٹامن ڈی تیزی سے جذب ہوگا اور ساتھ ہی رنگت بھی نکھر جائے گی۔

سنگھاڑے کے پاؤڈر سے آپ کو کیلشیم اورمونگ پھلی کے چھلکوں سے وٹامن ڈی حاصل ہوگا اور دھوپ میں بیٹھنے سے یہ جلد میں بہتر انداز میں جذب ہوگا اس کے لیے صبح کی ہلکی کم شدت والی دھوپ میں بیٹھنا ہے۔