آپ کی جلد آپ کی غذا کا آئینہ ہے آپ جو بھی کھاتے ہیں ویسا ہی دکھائی دیتے ہیں، غیرصحت مند طرز زندگی جہاں ایک طرف صحت کی خرابی کا باعث بنتی تو دوسری جانب چہرے کی جلد کو بھی بے رونق بنا دیتی ہے۔

تاہم طرز زندگی میں معمولی تبدیلیاں کر کے آپ اپنی صحت کے ساتھ جلد کو حسین بنا سکتے ہیں اسی لیے یہاں ایک ایسی جادوئی اسمودی کی ترکیب سکھائی جارہی جو صرف 3 دن میں آپ جلد کے قدرتی نکھار کو لوٹادے گی۔

اس اسمودی کو ڈیٹوکس کلینز اسمودی کا نام دیا گیا ہے۔ اس میں شامل غذائی اجزاء آپ کو پیٹ بھرا رکھتے ہیں اس طرح آپ بے وقت کی بھوک سے بھی بچے رہتے ہیں۔

اجزاء:

اس اسمودی کو بنانے کے لیے جو اجزاء درکار ہیں ان میں تین عدد گاجریں، ایک عدد سیب، ایک عدد کھیرا، ایک عدد شملہ مرچ، آدھا لیموں اور ایک کپ پانی شامل ہے۔

ہدایات:

ان تمام اجزاء کو بلینڈر میں ڈال کر اچھی طرح بلینڈ کریں لیجئے مزیدار اسمودی تیار ہے۔ اسے دن میں ایک بار ضرور استعمال کریں۔