مضبوط ہڈیاں ہی ایک صحت مند جسم کی ضامن ہے جبکہ دنیا بھر میں جوڑوں کے درد میں مبتلا افراد تیزی سے بڑھتے جارہے ہیں اس کی وجہ غیر معیاری طرززندگی ہے۔

ایک مطالعے سے یہ بات سامنے آئی ہے کہ 2030 تک تقریباً 70 ملین افراد اوسٹیو ارتھرائٹس میں مبتلا ہوجائیں گے، اسی لیے جوڑوں کو مضبوط بنانے اور انہیں صحت مند رکھنے کے لیےاس جانب سنجیدگی سے سوچنا اور عمل کرنا ہوگا۔ کیونکہ جوڑوں کی مضبوطی کے بغیر آپ مجموعی صحت حاصل نہیں کر سکتے۔

یہ بات درست ہے کہ عمر بڑھنے کے ساتھ ہڈیاں کمزور ان کی لچک کم ہونے لگتی ہیں تاہم چند طریقوں کو اپنا کر آپ بڑھتی عمرمیں بھی ان کو صحت مند رکھ سکتے ہیں یہاں پران ہی طریقوں کا ذکر کیا جارہا ہے۔

کیلشیم

کیلشیم کا براہ راست تعلق صحت مند اور مضبوط ہڈیوں سے ہے اسی لیے یہ ضروری ہے کہ آپ 51 برس کی عمر تک روزانہ 1000 ملی گرام کیلشیم کو اپنی غذا میں شامل رکھیں۔ اس کے بعد، آپ کو ہڈیوں کی مضبوطی کو برقرار رکھنے میں مدد کے لیے تقریباً 1,200 ملی گرام کیلشیم کی ضرورت ہو گی۔

اگرچہ کیلشیم کے سپلیمنٹس دستیاب ہیں، پھر بھی بہتر یہی ہے کہ آپ قدرتی ذرائع جیسے دہی، ، سبز پتوں والی سبزیاں، اور بادام کا استعمال کرتے ہوئے کیلشیم حاصل کریں۔

مچھلی کا تیل

جوڑوں کا درد نہ صرف چوٹ بلکہ گٹھیا یا جوڑوں کی سوزش کی وجہ سے بھی ہو سکتا ہے۔  لوگوں کی اکثریت ان درد کو دور کرنے لیے درد کش ادویات کا استعمال کرتی ہیں۔

سوزش کو روکنے کے بہترین طریقوں میں سے ایک یہ ہے کہ آپ غذا میں ضروری فیٹی ایسڈ کو بڑھائیں جبکہ اس مقصد کے لیے مچھلی کے تیل کی سپلیمنٹس استعمال کئے جاسکتے ہیں۔

آپ کو ایک دن بھر میں تقریباً 1,200 ملی گرام ضروری فیٹی ایسڈز کی ضرورت ہوتی ہے  جو مچھلی کے تیل کے سپلیمنٹس لینے سے آپ کی آسانی سے مل سکتی ہے۔

تحقیق سے پتہ چلتا ہے کہ جو لوگ مچھلی کے تیل کی کیپسول کھاتے ہیں ان میں 4 ماہ کے بعد جوڑوں کا درد کم ہوجاتا ہے۔

وزن کم کریں

جوڑوں کو مضبوط بنانے کے لیے وزن کو اعتدال میں رکھنا نہایت ضرروی ہے آپ کے جوڑ خاص طور پر گھٹنے اور ٹخنے بہت زیادہ وزن اٹھانے سے متاثر ہو سکتے ہیں۔ جب کہ وزن میں کمی جوڑوں پرپڑنے والے دباؤمیں کمی کا باعث بنے گی۔

ورزش کریں

جوڑوں کو مضبوط بنانے اور مجموعی صحت کو بہتر بنانے میں ورزش سے بہتر کوئی طریقہ نہیں ہوسکتا۔ صحت مند غذا ضروری ہے تاہم ورزش کے بغیر آپ کی ہڈیاں اور پٹھے مضبوط نہیں ہوسکتے۔

یہاں تک کہ اگر آپ کو جوڑوں کے درد کا سامنا ہے، ورزش آپ کے اینڈورفن کی پیداوار کو بڑھانے کے لیے درد کو کم کرنے میں مدد کر سکتی ہے۔ تاہم یہ آپ کی موجودہ فٹنس لیول پر منحصر ہے، ایسی ورزش کا انتخاب کریں جو آپ کی عمر اور فٹنس کی سطح کے ساتھ ساتھ مجموعی صحت کے لیے موزوں ہوں۔ اگر آپ کسی درد کا سامنا کر رہے ہیں تو یہ بہتر ہوگا کہ پہلے کم شدت والی ورزشیں کریں تاہم وقت کے ساتھ اس میں بتدریج اضافہ کرتے جائیں۔

یہ چند قدرتی طریقے ہیں جن سے آپ اپنی ہڈیوں کو خاص طور پر اپنے جوڑوں کو مضبوط بنا سکتے ہیں۔