بچوں کی بہتر صحت کے لیے متوازن غذا نہایت اہمیت رکھتی ہے اور ناشتہ دن کے آغاز پر پہلا کھانا ہوتا ہے اس لیے اسے ہرلحاظ سے ایسے اجزاء پر مشتمل ہونا چاہئے جو بچوں میں فوری توانائی بحال کرنے کے ساتھ انہیں صحت مند بنائے۔
صبح ہوتے ہی بچوں کے والدین کاسب سے بڑ امسئلہ یہ ہوتا ہے کہ بچوں کو آج ناشتے میں کیا دیا جائے اور بچے اگر اسکول جانے ہوتو یہ اور بھی مشکل ہوجاتا ہے۔

بچے چاہے گھر پر ہوں یا اسکول جا رہے ہوں  انہیں کون سی غذا دی جائے جو نہ صرف صحت بخش اور مزیدار ہو بلکہ روز کھائے جانے والوں کھانوں سے بھی مختلف ہو تاکہ بچے اسے شوق سے کھائیں ۔

یہ بات تو سب ہی جانتے ہیں کہ بچے اپنی کیلوریز دو طرح سے برن کر رہے ہو تے ہیں ایک تو وہ بڑھ رہیں ہوتے ہیں دوسرا وہ اپنا زیادہ وقت کھیل کود میں صرف کر رہیں ہوتے ہیں اس لئے ان کی غذا میں پروٹین،منرلز اور وٹامنز کا صحیح توازن ہونا از حد ضروری ہے ۔ اسی لئے آج ہم آپ کو لنچ باکس کے لئے ایسے کھانے بتا رہیں جو نہ صرف کم وقت میں تیار ہوجاتے ہیں بلکہ نہایت ذائقہ دار بھی ہوتے ہیں اورصحت بخش بھی ۔

بنانا پین کیک

پین کیک بچوں کی پسندیدہ ڈش ہے اور اسے تیار کرنا بھی بہت آسان ہے ۔ اس کے لئے آپ کو چاہئے دو کیلے ، ڈیڑھ کپ میدہ، دو انڈے، آدھا کپ چینی، آدھا کپ دودھ، آدھا چائے کا چمچ ونیلا ایسنس، ایک چائے کا چمچ بیکنگ پاؤڈراور ایک چائے کا چمچ تیل۔

 اب بلینڈر میں کیلے، چینی، ونیلا ایسنس اوردودھ ڈال کر اچھی طرح بلینڈ کر لیں اب اس آمیزے کو کسی پیالے میں نکال کر اس میں میدہ اور بیکنگ پاؤڈر شامل کر کے اچھی طرح مکس کر لیں ۔ دھیمی آنچ پر فرائی پین کو رکھیں اور ایک چائے کا چمچ آئل ڈال کر اچھی طرح پھیلا دیں اور اب اس میں آمیزے کی ٹھوڑی سی مقدار ڈال کر فرائی پین میں پھیلا دیں اسے دو منٹ تک پکائیں پھر پلٹ کر دوسری سائڈ بھی اتنی دیر تک فرائی کریں کہ ان کا رنگ گولڈن براؤن ہو جائے ۔ اس طرح سارے پین کیک تیار کر لیں ۔ ان پر شہد، مکھن یا جیلی لگا کر رول بناکر بچوں کے دیں بچے دوبارہ اسی کی فرمائش کریں گے ۔

منی چکن برگر

بچے برگر بہت شوق سے کھاتے ہیں تو ان کے لئے آج بنائیں منی چکن برگر ۔ دوسو گرام ابلی ہوئی چکن کے ریشے، آدھا کپ مایونیز، تین کھانے کے چمچ ٹماٹوکیچپ، ایک کھانے کا چمچ باربی کیو ساس، آدھا چائے کا چمچ نمک، ایک چٹکی لہسن پاؤڈر اور ایک چٹکی کالی مرچ ڈال کر اچھی مکس کر لیں اب چھوٹے سائز کے بن لیں اس پر چکن کا آمیزہ لگائیں پھر چیز کا سلائس ، ٹماٹرسلائس اور سلاد کا پتا رکھیں اور بن پر توتھ پک لگا دیں بچے شوق سے کھائیں گے۔