ہڈیوں کی حفاظت ایسی ہی ہےجیسے گاڑی کی دیکھ بھال۔ باڈی میں زنگ لگ جائےیاچیسزمیں خرابی پیداہوجائےتوپھرگاڑی پارک کرناپڑتی ہے۔ یہی بات انسانی جسم کےبارےمیں کہی جاسکتی ہے۔ ایک مضبوط اورمعقول فریم کےبغیرنہ کارچل سکتی ہےاورنہ جسم کام کر سکتا ہے تاہم ورزش اس ضمن میں  اہم کردار ادا کرسکتی ہے۔

یہ بات سب ہی جانتے ہیں کہ عمر بڑھنے کے ساتھ ہڈیاں کمزور ہونے لگتی ہیں ان کی کثافت ہو کر یہ بھر بھری ہوجاتی ہے اس عمل کو اسٹیوپروسس کہا جاتا ہے آسٹیوپروسس اصل  ہڈیوں کی بوسیدگی کی بیماری ہے۔

  ہڈیاں وقت اورعمرکےبڑھنےکےساتھ ساتھ کمزورہوجاتی ہیں۔ طبی ماہرین کےمطابق ہردومیں سےایک خاتون اورپانچ میں سےایک مرداوسٹیوپروسس میں مبتلا ہوتا ہے۔

50 سال سےزائدعمرکےبیشترافراد مکمل طورپراوسٹیوپروسس کے مرض میں آسانی سے مبتلا ہو سکتے ہیں۔ ان میں نہ صرف یہ کہ ہڈیوں میں خطرناک حدتک معدنیات کی کمی ہوجاتی ہے،بلکہ ان میں ہڈیوں کےمڑنےیعنی اپنی اصلی اورقدرتی شکل سےہٹ جانےکابھی خطرہ رہتاہے۔ جسمانی ڈھانچابہت کمزورہوجاتاہےاوروزن برداشت کرنےکےقابل نہیں رہتاہے۔ ریڑھ کی ہڈیاں سکڑجاتی ہیں اورکمرجھکنےلگتی ہے۔

تاہم ابتدا ہی سے متوازن خصوصاً کیلشیم سے بھرپور غذا اور ورزش کا استعمال بڑھتی عمر میں اس مرض سے بچا سکتا ہے۔

لیکن اچھی خبر یہ کہ عمر رسیدگی میں اس مرض کے ہونے کے باوجود آپ ورزش کر کے اس مرض کو مزید بڑھنے سے روک سکتے ہیں ساتھ ہی یہ آپ کے توازن کو بہتر بنانے میں بھی اہم کردار ادا کرتی ہے۔

اگر آپ پہلے ہی فریکچرسامنا کر چکے ہیں تو ان ورزشوں کے انتخاب میں محتاط رہنے کی ضرورت ہے جو آپ ہڈیوں کی کثافت اور مضبوطی کو بڑھانے کے لیے کرنے جا رہے ہیں۔

پٹھوں کو مضبوط بنانے والی ورزش

 اس قسم کی ورزشیں جو جم میں مشینوں پر کی جاتی ہیں جسمانی توازن کو برقرار رکھنے میں معاون ثابت ہوتی ہیں اس کا آغاز کسی ماہر ٹرینر کی نگرانی میں کریں۔

لچک کے لیے مشقیں

اسٹیوپروسس میں مبتلا یا اس سے تحفظ حاصل کرنے والے افراد میں لچک کا ہونا نہایت ضروری ہے کیونکہ یہ آپ کے جوڑوں کو اضافی سہارا دینے کے ساتھ پٹھوں کے مضبوطی کی ضامن ہے۔

لچک کے لیے یوگا کی مشقوں کو سب سے مؤثر قرار دیا جاتا ہے۔ یہ آپ کے پٹھوں میں تناؤ کو کم کرنے اور پٹھوں کے درد کو بھی روکنے کے لیے مفید ثابت ہوگی۔

وزن اٹھانے والی ورزش

جیسا کہ نام سے ظاہر ہے کہ یہ مشقیں آپ کے اپنے جسمانی وزن کے استعمال پرمنحصر ہے جیسے  دوڑنا، چلنا اوراس طرح دیگر ورزشیں آپ کی ہڈیوں اور پٹھوں کو مضبوط بنانے کے لیے بہترین ہیں جو اسٹیوپروسس کے خطرے کو کم کرنے میں مدد کر سکتی ہیں۔

توازن کی مشقیں

توازن ضروری ہے قطع نظر اس کے کہ آپ کی عمر کتنی ہے۔ جب آپ میں اسٹیوپروسس کی ابتدائی علامات ظاہر ہوں تو یہ اور بھی اہم ہے کیونکہ اگر توازن بہتر نہیں ہوگا تو گرنے اور ہڈیوں پر چوٹ لگنے کا خطرہ بڑھ جائے گا۔