سرد موسم میں کھانسی، بند ناک اور گلے کی خراش ہونا عام ہیں تو آج ہم آپکو چند ایسے پودوں کے بارے میں بتائیں گے جو سردی کی بیماریوں سے بچانے میں مددگار ثابت ہوں گے۔

ایلو ویرا

ایلو ویرا صدیوں سے اپنے بے شمار فوائد کی وجہ سے آیوروید میں استعمال ہوتا آرہا ہے لیکن بہت کم لوگ جانتے ہیں کہ یہ پودا سردیوں میں انتہائی فائدہ مند ہے کیوں کہ الرجی سے نجات دینے میں اہم کردار ادا کرتا ہے۔

ایلوویرا کمرے کے پینٹ، صفائی والی مصنوعات اور کیمیکلز سے خارج ہونے بینزین اور فارملڈہائیڈ کو اپنے اندر جذب کر کے ہوا کو صاف رکھتا ہے جس سے الرجی کا اثر زائل ہوتا ہے۔

یہ بھی پڑھیں: کھانسی اور گلے کی خراش سے نجات کے لیے یہ آسان علاج آزمائیں

اسنیک پلانٹ

اسنیک پلانٹ دیکھنے میں تو خوبصورت ہوتا ہی ہے اس کے علاوہ یہ کاربن ڈائی آکسائیڈ کے ساتھ فارملڈہائیڈ بینزین اور ٹولین کو بھی جذب کرلیتا ہے اور صاف ہوا خارج کرتا ہے۔

یہ تمام مضر عناصر سانس کی نالی میں ارتعاش پیدا کرتا ہیں جس کا نتیجہ بہتی ناک اور کھانسی کے دوروں کی صورت میں نکلتا ہے۔

اسپائیڈر پلانٹ

یہ زبردست پودا زائلین، فارملڈہائیڈ، کاربن مونو آکسائیڈ وغیرہ کا مقابلہ کرتا ہے۔

کمرے کی ہوا میں نمی پیدا کرتا ہے جس سے سانس لینے میں رکاوٹ نہیں ہوتی۔

یہ بھی پڑھیں: سردی میں 3 ’کچے انڈے‘ کھانے سے کن بیماریوں سے بچاؤ ممکن؟